ముంబైలో తాగుబోతు రచ్చ

ముంబైలో ఓ తాగుబోతు.. పోలీసులను ముప్పతిప్పలు పెట్టాడు. షకీల్ ఆహియా అనే వ్యక్తి ఉదయాన్నే తాగి ముంబైలోని నానా చౌక్ స్కైవాక్ రూఫ్ మీదకి ఎక్కి హంగామా సృష్టించాడు. అతడిని స్కైవాక్ నుంచి కిందకి దించేందుకు పోలీసులు తీవ్రంగా శ్రమించారు. రెండు గంటల శ్రమ అనంతరం అతడిని కిందకి దించారు. అతడు కిందపడిపోతే ప్రమాదం జరగకుండా కొందరు యువకులు కింద నెట్ పట్టుకుని తిరిగారు. దీనికి సంబంధించిన వీడియో వైరల్‌గా మారింది. కాగా యువకుడిపై పోలీసులు కేసు నమోదు చేశారు.