దిల్లీ- దర్భంగా ఎక్స్‌ప్రెస్‌లో మంటలు చెలరేగిన విషయం మరవకముందే గంటల వ్యవధిలోనే అదే జిల్లాలో మరో రైల్లో మంటలు కలకలం రేపాయి. దిల్లీ నుంచి బిహార్‌కు వెళ్తోన్న వైశాలి ఎక్స్‌ప్రెస్‌లోని ఎస్-6 బోగీ కాలిపోయింది. ఈ ప్రమాదంలో.. మొత్తం 21 మందికి గాయాలయ్యాయి. సమాచారం అందుకున్న వెంటనే అగ్నిమాపక సిబ్బంది ఘటనా స్థలానికి చేరుకుని ఎస్-6 కోచ్‌లోని మంటలను ఆర్పేశారు. క్షతగాత్రులను దగ్గరలోని ఆసుపత్రికి తరలించి చికిత్స అందిస్తున్నారు.
తెలంగాణలో పేదలు బతికే పరిస్థితి లేదని. ఆ రాష్ట్ర కాంగ్రెస్ అధ్యక్షుడు రేవంత్ రెడ్డి అన్నారు. తాము అధికారంలోకి వస్తే వారిని ఆదుకుంటామని హామీ ఇచ్చారు. మేడ్చల్‌ నియోజకవర్గం జవహర్‌నగర్‌ రోడ్‌షోలో రేవంత్ మాట్లాడారు. మంత్రి కేటీఆర్ మేడ్చల్‌కు తెస్తామన్న ఐటీ పార్కు ఎక్కడికి పోయిందని ప్రశ్నించారు. కాంగ్రెస్ అధికారంలోకి వస్తే మహాలక్ష్మి పథకం ద్వారా మహిళలకు ప్రతి నెలా రూ.2,500 అందజేస్తామన్నారు. రైతులకు 24 గంటల ఉచిత విద్యుత్‌ ఇస్తామని రేవంత్ పేర్కొన్నారు.
‘ఆదికేశవ’ మూవీ ప్రమోషన్స్‌లో భాగంగా నటి శ్రీలీల తన ఎంబీబీఎస్‌ చదవు గురించి ఆసక్తికర విషయాలు మాట్లాడింది. ‘డాక్టర్‌ కావాలని చిన్నప్పటి నుంచి కలలు కన్నానని చెప్పింది. ‘ఎంబీబీఎస్‌ పూర్తి చేసేందుకూ సిద్ధం అవుతున్నా. నటిగా ప్రేక్షకులను అలరించడాన్ని, వాళ్ల ప్రేమాభిమానాలు పొందడాన్ని అదృష్టంగా భావిస్తున్నా. ప్రతి అమ్మాయికీ వృత్తిపరంగా అలాంటి బ్యాకప్ తప్పక ఉండాలి.’ అని శ్రీలీల చెప్పుకొచ్చింది.
వన్డే వరల్డ్‌కప్‌ భాగంగా నేడు ఆస్ట్రేలియా, దక్షిణాఫ్రికా సెమీఫైనల్‌-2లో తలపడుతున్నాయి. కోల్‌కతాలోని ఈడెన్‌ గార్డెన్స్‌ వేదికగా ఈ మ్యాచ్ జరుగుతోంది. మొదట సౌతాఫ్రికా టాస్‌ గెలిచి బ్యాటింగ్ ఎంచుకుంది. దక్షిణాఫ్రికా జట్టు: క్వింటన్ డికాక్(వికెట్‌కీపర్‌), టెంబా బవుమా(కెప్టెన్‌), రాస్సీ వాన్ డర్ డస్సెన్, ఎయిడెన్ మార్క్రమ్, హెన్రిచ్ క్లాసెన్, డేవిడ్ మిల్లర్, మార్కో జన్సెన్, కేశవ్ మహరాజ్, గెరాల్డ్ కొయెట్జీ, కగిసో రబడ, తబ్రేజ్ షంషి ఆస్ట్రేలియా జట్టు: ట్రవిస్ హెడ్, డేవిడ్ వార్నర్, మిచెల్ మార్ష్, స్టీవెన్ స్మిత్, మార్నస్ లబూషేన్‌, గ్లెన్ … Read more
భారత్ తొలి సెమీ ఫైనల్‌లో కోహ్లీ 50వ సెంచరీ తర్వాత మరోసారి ఆయన బయోపిక్ వార్త తెరపైకి వచ్చింది. ఈ నేపథ్యంలో ఈ చిత్రంలో ఎవరు హీరోగా నటిస్తే బాగుంటుందో బాలీవుడ్ నటుడు రణ్‌బీర్‌ కపూర్‌ చెప్పాడు. ‘విరాట్ బయోపిక్ తీస్తే అందులో అతడే నటించాలి. ఎందుకంటే అతడు చాలామంది నటుల కంటే అందంగా కనిపిస్తాడు. అలాగే ఫిట్‌గా కూడా ఉంటాడు. అందుకే ఆ పాత్రను కోహ్లీనే పోషించాలి’’ అని రణ్‌బీర్‌ చెప్పుకొచ్చాడు.
TS: రైలు ఢీకొని ఇద్దరు మృత్యువాతపడారు. ఈ ఘటన మంచిర్యాల జిల్లా రామకృష్ణాపూర్‌లో చోటుచేసుకుంది. స్థానికంగా ఉంటున్న సురేశ్‌(30), చందర్‌(40) ఇద్దరూ ద్విచక్రవాహనంపై మంచిర్యాల వెళ్లి తిరిగి వస్తున్నారు. ఈ క్రమంలో క్యాతనపల్లి వద్ద రైల్వే గేటు పడింది. బైక్‌ను గేటు దాటించే క్రమంలో రైలు ఢీకొనడంతో సురేశ్‌ అక్కడికక్కడే మృతి చెందాడు. చందర్‌ మృతదేహం రైలు ఇంజిన్‌ ముందు భాగంలో ఇరుక్కుని 3 కిలోమీటర్ల దూరం ప్రయాణించింది..
నిన్నటి న్యూజిలాండ్, టీమిండియా మ్యాచ్‌లో ఓటీటీ రికార్డ్స్ గల్లంతయ్యాయి. రసవత్తరంగా సాగిన ఈ మ్యాచ్ ని ఓటీటీలో కూడా రికార్డు మొత్తంలో ఆడియెన్స్ వీక్షించారు. ఓటీటీ హిస్టరీ లోనే హాట్ స్టార్ హైయెస్ట్ వ్యూస్‌ని అందుకుంది. ఏకంగా 53 మిలియన్ వ్యూస్ ని రిజిస్టర్ చేసింది. దీనితో పాత రికార్డ్స్ అన్నీ గల్లంతయ్యాయి సరికొత్త రికార్డ్స్ సెట్ చేసింది. Courtesy Twitter:@DisneyPlusHotstar Courtesy Twitter:@DisneyPlusHotstar Courtesy Twitter:@DisneyPlusHotstar
బీజేపీ సీనియర్ నాయకురాలు విజయశాంతి కాంగ్రెస్ పార్టీలో చేరనున్నారు. రేపు కాంగ్రెస్ జాతీయ అధ్యక్షుడు మల్లికార్జున ఖర్గే సమక్షంలో ఆమె కాంగ్రెస్ కండువా కప్పుకొనున్నారని సమాచారం. పార్టీలో చేరిక తర్వాత వచ్చే ఎన్నికల్లో మెదక్ నుంచి విజయశాంతి ఎంపీగా పోటీ చేసే అవకాశం ఉంది. ఇదిలా ఉండగా బీజేపీకి విజయశాంతి రాజీనామా చేశారు. తన రాజీనామా లేఖను టీబీజేపీ అధ్యక్షుడు కిషన్‌రెడ్డికి పంపారు.
నితిన్ హీరోగా ‘ఎక్స్‌టా’ చిత్రం తెరకెక్కుతున్న విషయం తెలిసిందే.. ఈ సినిమాలో నటుడు రాజశేఖర్ కీలక పాత్రలో నటిస్తున్నారు. ఈ నేపథ్యంలో ‘కోటబొమ్మాళి పీఎస్’ సినిమా ప్రమోషన్‌లో రాజశేఖర్ నితిన్‌తో సినిమా ఒప్పుకోవడంపై ఆయన కూతురు శివాని ఓ ఆసక్తికర విషయాన్ని చెప్పుకొచ్చింది. నాన్నకు విలన్‌గా నటించాలన్న కోరిక ఎప్పటి నుంచో ఉంది. అందుకోసం బెటర్ స్టోరీ కోసం వెతుకుతున్నారు. ఈ క్రమంలో నితిన్ సినిమాలో రాజశేఖర్ పాత్ర ఆసక్తికరంగా ఉంటుంది. అందుకే నాన్న వెంటనే ఓకేచేశాడు’. అని శివాని తెలిపింది. Courtesy Twitter:shivathmikar … Read more
బాలీవుడ్ నటుడు షారుక్‌ ఖాన్ హీరోగా నటించిన ‘జవాన్’ చిత్రం ఓటీటీలో విడుదలై సునామీ సృష్టిస్తోంది. నెట్‌ఫ్లిక్స్‌లో స్ట్రీమింగ్ అవుతున్న ఈ చిత్రం ఎక్కువ వ్యూస్ సొంతం చేసుకుని టాప్ 10 చిత్రాల్లో తొలి స్థానంలో నిలిచింది. ఇండియాలోనే కాకుండా శ్రీలంక, మాల్ధీవులు సహా మరో నాలుగు దేశాల్లో జవాన్ సినిమాను ఎగబడి మరి చూస్తున్నారు. కేవలం పదిరోజుల్లోనే ‘జవాన్’ 25 మిలియన్ వాచ్ హవర్స్ సాధించింది. తక్కువ సమయంలోనే అత్యధిక వ్యూస్ సాధించిన సినిమాగా ‘జవాన్’ రికార్డు సృష్టించింది.
@2021 KTree