ఇటలీలో ఘోర ప్రమాదం.. 21మంది మృతి

ఇటలీలో ఘోర రోడ్డు ప్రమాదం జరిగింది. అతివేగంగా వచ్చిన బస్సు అదుపు తప్పి బ్రిడ్జి పైనుంచి కిందకు పడిపోయింది. ఈ దుర్ఘటనలో ఇద్దరు చిన్నారులు సహా 21 మంది ప్రాణాలు కోల్పోయారు. మరో 18 మంది తీవ్రంగా గాయపడ్డారు. వేనీస్ అందాలను చూసేందుకు వెళ్తుండగా ఈ ప్రమాదం జరిగింది. ఘటనా స్థలిలో సహాయక చర్యలు కొనసాగుతున్నాయి. క్షతగాత్రులను చికిత్స నిమిత్తం ఆస్పత్రికి తరలించారు.