చిన్నారి పెళ్లికూతురు ఫేమ్ అవికా గోర్ నటిస్తున్న సినిమా ‘పాప్‌కార్న్’. ఈ చిత్ర ట్రైలర్‌ని నాగార్జున విడుదల చేశారు. సాయిరోనక్ హీరోగా నటించాడు. తొలిసారిగా అవికా గోర్ సహ నిర్మాతగా వ్యవహరిస్తుండటం విశేషం. ఈ చిత్రాన్ని దర్శకుడు మురళీ గంధం విభిన్నంగా తెరకెక్కించారు. ఓ లిఫ్టులో భిన్న వ్యక్తిత్వాలున్న ఒక అమ్మాయి, అబ్బాయి చిక్కుకుంటే ఎలా ఉంటుంది? ఆ తర్వాత ఏం జరిగింది? అనే విషయాన్ని ట్రైలర్‌ ద్వారా చూపించారు. ఆచార్య క్రియేషన్స్, అవికా స్క్రీన్ క్రియేషన్స్ బ్యానర్‌లో సంయుక్తంగా ఈ చిత్రం నిర్మాణమవుతోంది.