కోలీవుడ్ హీరో విజయ్ ఆంటోనీ హీరోగా వచ్చిన ‘బిచ్చగాడు2’ మూవీ విడుదలై హిట్ టాక్ సొంతం చేసుకుంది. కాగా ఈ సినిమా సక్సెస్‌ను విజయ్ వెరైటీగా జరుపుకున్నాడు. ఏపీలోని రాజమండ్రిలో యాచకులకు అన్నదానం చేసి తన సక్సెస్‌ను ఎంజాయ్ చేశాడు. యాచకులందరికీ ఓ హోటల్‌లో భోజనాలు ఏర్పాటు చేసి స్వయంగా వడ్డించాడు. ఇందుకు సంబంధించిన వీడియో నెట్టింట్లో వైరల్‌గా మారింది. ఇది చూసిన నెటిజన్లు ‘విజయ్ రియల్ హీరో’ అంటూ పొగుడుతున్నారు.