టీమిండియా స్టార్ క్రికెటర్ విరాట్ కోహ్లీనే తనకు స్ఫూర్తి అని స్టార్ హీరోయిన్ సమంత తెలిపింది. హీరో విజయ్ దేవరకొండతో కలసి సమంత ఓ ఛానెల్ ఇంటర్వ్యూలో మాట్లాడింది. ‘‘కొద్ది రోజుల క్రితం కోహ్లీ ఫామ్ కోల్పోయి ముప్పేట విమర్శలు ఎదుర్కొన్నాడు. ఆ తర్వాత తిరిగి పుంజుకున్న తీరు అద్వితీయం. ఇది నిజంగా స్ఫూర్తిదాయకం. ఫామ్‌లో లేక తంటాలు పడుతున్న సమయంలో కోహ్లీ తన 71వ సెంచరీ చేశాడు. అప్పుడు నాకు కన్నీళ్లు ఆగలేదు.’’ అంటూ సామ్ చెప్పుకొచ్చింది.