సినిమా ఇండస్ట్రీలో జరుగుతున్న కొత్తరకం స్కామ్‌పై నటుడు బ్రహ్మాజీ జాగ్రత్తలు చెప్పారు. ఈ మేరకు ఆయన ట్వీట్ చేస్తూ.. ‘స్టార్ దర్శకుల వద్ద పని చేస్తున్నామని చెప్తూ కొందరు ఫోన్లు చేస్తున్నారు. లోకేష్ కనగరాజ్ సినిమాలో అవకాశం వచ్చిందని నమ్మబలుకుతున్నారు. డబ్బులిస్తే ఆడిషన్‌కు అవసరమైన కాస్ట్యూమ్స్ కొంటామని చెప్పి డబ్బులు తీసుకుంటున్నారు. సినిమా పరిశ్రమలోకి రావాలని కలలుకనే కొత్తతరం నటులను టార్గెట్‌గా చేసుకుని మోసాలకు పాల్పడుతున్నారు. ఈ విషయంలో కాస్త జాగ్రత్తగా ఉండండీ’ అని బ్రహ్మాజీ ట్వీట్ చేశారు.