హైదరాబాద్‌లో పలుచోట్ల వర్షం కురుస్తోంది. తెల్లవారు జామునుంచి మబ్బులు కమ్ముకుని అక్కడక్కడా చిరజల్లులు కురుస్తున్నాయి. జూబ్లీహిల్స్, బంజారాహిల్స్‌, మలక్‌పేట్‌, అమీర్‌పేట్‌, పంజాగుట్ట, దిల్‌సుఖ్‌నగర్‌ తదితర ప్రాంతాల్లో చిరుజల్లులు పడుతున్నాయి. మరోవైపు ఉష్ణోగ్రతలు గణనీయంగా పడిపోయాయి. గత రెండు రోజులతో పోలిస్తే ఇవాళ చలి తీవ్రత ఎక్కువగా కనిపిస్తోంది. చలి, తుంపర్ల వానతో హైదరాబాద్‌లో వర్షాకాలంలో ముసురేసినట్లుగా వాతావరణం ఉంది.
శ్రీలంక తీరంలోని నైరుతి బంగాళాఖాతంలో ఏర్పడిన వాయుగుండం కొమెరిన్ తీరం దిశగా వచ్చినట్లు ఐఎండీ తెలిపింది. దీని ప్రభావంతో ఏపీలోని రాయలసీమ, కోస్తాంధ్రలో చెదురుముదురు వర్షాలు పడనున్నట్లు వెల్లడించింది. సోమ, మంగళ, బుధవారాల వరకు ఏపీలో వర్షాలు పడతాయని పేర్కొంది. కాగా వాయుగుండం ఎఫెక్ట్‌తో ఆదివారం రాత్రి నెల్లూరు, చిత్తూరు, కడప జిల్లాల్లో అకాల వర్షం కురిసింది. దీంతో పంట నష్టం వాటిల్లి రైతులు తీవ్ర ఇబ్బందులు పడ్డారు.
మాండౌస్‌ తుపాను ప్రభావంతో హైదరాబాద్‌తో పాటు తెలంగాణలోని పలు ప్రాంతాల్లో తేలికపాటి వానలు కురుస్తున్నాయి. వనస్థలిపురం,ఆర్సీపురం తదితర ప్రాంతాల్లో తెల్లవారుజామున స్వల్పంగా వాన కురిసింది. నిన్న ఉదయం నుంచే ఆకాశం మేఘావృతమై ఉంది. ఇవాళ రేపు కూడా హైదరాబాద్‌లో స్వల్పం వాన కురిసే అవకాశముందని వాతావరణ శాఖ అంచనా వేసింది. శేరిలింగంపల్లి, చార్మినార్, రామచంద్రపురం, ఎల్‌బీ నగర్, హయత్‌నగర్, అంబర్‌పేట్, ఉప్పల్, అల్వాల్, సికింద్రాబాద్, కూకట్‌పల్లి తదితర ప్రాంతాల్లో చినుకులు పడే అవకాశముంది.
తెలుగు రాష్ట్రాల్లో పలుచోట్ల వర్షాలు పడే అవకాశం ఉందని వాతావరణ శాఖ వెల్లడించింది. తెలంగాణలో చిరుజల్లులు కురిసే అవకాశం ఉందని తెలిపింది. యాదాద్రి భువనగిరి, రంగారెడ్డిలో ఎక్కువగా కురుస్తాయని పేర్కొంది. ఆంధ్రప్రదేశ్ లోనూ గుంటూరు, కృష్ణ, అల్లూరి సీతరామ రాజు జిల్లాలు సహా వివిధ ప్రాంతాల్లో వానలు పడతాయని వెల్లడించింది. మరోవైపు చలి కూడా పంజా విసురుతోంది. ఉమ్మడి ఆదిలాబాద్ జిల్లా, ఏపీలో అల్లూరి సీతాారామరాజు జిల్లాలో కనిష్ఠ ఉష్ణోగ్రతలు నమోదవుతున్నాయి.
న్యూజిలాండ్, భారత్ మధ్య రెండో వన్డేకు వరణుడు ఆటంకం కలిగిస్తున్నాడు. తొలుత ఐదు ఓవర్లు పడకముందే వర్షం పడింది. దాదాపు గంటన్నర తర్వాత తగ్గటంతో మ్యాచ్ ను 29 ఓవర్లకు కుదించారు. బ్యాటింగ్ కు దిగిన టీమిండియా 12.5 ఓవర్లలో 89/1 పరుగులు చేసింది. ఈ క్రమంలో మళ్లీ వర్షం పడటంతో అంతరాయం ఏర్పడింది. శుభమన్ గిల్ 45 పరుగులు, సూర్యకుమార్ 34 పరుగులు చేశారు. మూడు వన్డేల సిరీస్ లో ఇప్పటికే కివీస్ 1-0 తేడాతో ఆధిక్యంలో ఉంది.
ఏపీ, తెలంగాణలో ఇవాళ, రేపు అక్కడక్కడా వానలు కురుస్తాయని వాతావరణ శాఖ అధికారులు తెలిపారు. బుధవారం అక్కడక్కడా తేలికపాటి జల్లులు కురిశాయి. ఖమ్మంలోని మధిర, సూర్యాపేటలోని వడ్డెనపల్లిలో మోస్తరు వాన పడింది. రైతులు తగు జాగ్రత్తలు తీసుకోవాలని వ్యవసాయ అధికారులు అప్రమత్తం చేస్తున్నారు. మరోవైపు బంగాళాఖాతంలో ఏర్పడిన వాయుగుండం బలహీనపడి అల్పపీడనంగా మారింది. దీని ప్రభావంతో ఏపీలోను కోస్తాంధ్ర, రాయలసీమలో తేలికపాటి నుంచి మోస్తరు వానలు కురుస్తాయని వాతావరణ శాఖ తెలిపింది.
మూడు టీ20ల సీరీస్‌లో భాగంగా నవంబర్ 18న భారత్-న్యూజిలాండ్ మధ్యన వెల్లింగ్టన్‌లో తొలి మ్యాచ్ జరగనుంది. కానీ ఆ మ్యాచ్‌కు వర్షం అంతరాయం కలిగించే అవకాశాలు ఎక్కువగా ఉన్నాయి. మ్యాచ్ జరిగే సమయంలో వర్షం రావడానికి 50 శాతం అవకాశాలు ఉన్నట్లు న్యూజిలాండ్ వాతావరణ శాఖ తెలిపింది. కాగా మ్యాచ్ జరిగే వెల్లింగ్టన్ నగరంలో రెండు రోజులుగా భారీ వర్షాలు కురుస్తున్నాయి. ఒక వేళ శుక్రవారం కూడా వర్షం కురిస్తే మ్యాచ్ రద్దు అయ్యే అవకాశాలు ఉన్నాయి.
టీ20 ప్రపంచకప్‌లో గ్రూపు 1లో ఉన్న అఫ్గానిస్థాన్‌ను దురదృష్టం వెంటాడుతోంది. వర్షం కారణంగా మరో మ్యాచ్ తుడుచుకు పెట్టుకుపోయింది. ఇదివరకే న్యూజిలాండ్‌తో మ్యాచ్ రద్దు కాగా, తాజాగా ఐర్లాండ్‌తోనూ ఇదే అనుభవం ఎదురైంది. ఈ మ్యాచ్ టాస్ పడకుండానే రద్దయింది. దీంతో అంపైర్లు చెరో పాయింట్‌ని ఇరు జట్లకు కేటాయించారు. గత మ్యాచులో ఇంగ్లాండ్‌పై విజయంలో ఐర్లాండ్‌కు వర్షం కలిసొచ్చింది. కానీ, అఫ్గాన్‌పై గెలుస్తామని పట్టుదలతో ఉన్న ఐరిష్ ప్లేయర్లకు నిరాశే ఎదురైంది. దీంతో గ్రూపు 1 సమీకరణాలు సంక్లిష్టంగా మారాయి.
తెలంగాణలోని హైదరాబాద్ సహా ఇతర ప్రాంతాల్లో నేడు, రేపు భారీ వర్షాలు కురవనున్నట్లు వాతావరణ విభాగం తెలిపింది. నిన్న రాత్రి 9 గంటలకు హైదరాబాద్‌లో భారీ వర్షపాతం నమోదైనట్లు పేర్కొంది. షేక్‌పేటలో 11.8సెంటీమీటర్ల వర్షపాతం రికార్డైనట్లు వెల్లడించింది. నైరుతి రుతుపవనాల తిరోగమనం వల్ల వర్షాలు కురుస్తున్నట్లు వివరించింది.
INDVsSA మ్యా‌చ్‌కి వరుణుడు అంతరాయం కలిగించే అవకాశం ఉంది. బుధవారం చిరుజల్లులు పడే ఛాన్స్ ఉందని వాతావరణ శాఖ సూచించింది. మ్యాచ్ జరిగే గ్రీన్‌ఫీల్డ్ అంతర్జాతీయ స్టేడియం పిచ్ బ్యాటింగ్‌కు అనుకూలం. ఇదివరకు ఇక్కడ రెండు అంతర్జాతీయ టీ20లు మాత్రమే జరిగాయి. ఓ టీ20లో రెండు ఇన్నింగ్సుల్లో 170కి పైగా స్కోర్లు నమోదయ్యాయి. కాగా, ఈ మ్యాచ్‌లో టాస్ కీలకంగా మారనుంది. వాతావరణ పరిస్థితులకు అనుగుణంగా టాస్ గెలిచిన జట్టు బ్యాటింగ్/బౌలింగ్ తీసుకునే అవకాశం ఉంది.
@2021 KTree