టీ20 వరల్డ్‌కప్‌లో విరాట్ కోహ్లీ రాణించిన ప్రతిసారీ ఓడిపోవడం టీమిండియా అభిమానులను కలచివేస్తోంది. కోహ్లీ మూడు సార్లు ప్రపంచకప్‌లో అత్యధిక పరుగుల వీరుడిగా నిలిచాడు. 2014 వరల్డ్‌కప్‌లో 319 పరుగులతో టీ20 వరల్డ్‌కప్ చరిత్రలోనే ఒక ఎడిషన్‌లో అత్యధిక పరుగులు చేసిన ఆటగాడిగా నిలిచాడు. ఈ ఎడిషన్‌లో శ్రీలంక చేతిలో ఇండియా ఫైనల్ ఓడిపోయింది. 2016లోనూ కోహ్లీ టాప్ స్కోరర్. 273 పరుగులు చేసినా టీమిండియా సెమీస్‌లోనే వెనుదిరిగింది. ఇప్పుడు ఈ ప్రపంచకప్‌లోనూ అత్యధిక పరుగుల సాధించిన బ్యాట్స్‌మన్ విరాటే కావడంతో అభిమానులు బాధపడుతున్నారు.

అక్టోబరు నెలకి గాను ప్లేయర్ ఆఫ్ ద మంత్‌గా నిలిచిన విరాట్ కోహ్లీ మరో రికార్డు సాధించాడు. ఇంగ్లాండుతో జరిగుతున్న సెమీఫైనల్ మ్యాచులో కోహ్లీ 42 పరుగులు చేసి 4000 పరుగుల మైలు రాయిని చేరుకున్నాడు. టీ20ల్లో ఈ ఘనత సాధించిన ఏకైక బ్యాట్స్‌మన్‌గా కోహ్లీ రికార్డులకెక్కాడు. ప్రస్తుతం 115 మ్యాచుల్లో కోహ్లీ 4000 పరుగులతో టాప్‌లో ఉన్నాడు. కోహ్లీ తర్వాత 3896 పరుగులతో రోహిత్ రెండో స్థానంలో ఉన్నాడు. న్యూజిలాండ్ బ్యాట్స్‌మన్ మార్టిన్ గప్తిల్ 3531క పరుగులతో మూడో స్థానంలో ఉన్నాడు.