అమెరికాలోని తూర్పు కెంటకీలో వరదల కారణంగా మృతి చెందిన వారి సంఖ్య 37కి చేరుకుంది. మరికొంత మంది గల్లంతైనట్లు అక్కడి అధికారులు వెల్లడించారు. ప్రాణనష్టం సంఖ్య క్రమంగా పెరగవచ్చని పేర్కొన్నారు. ఆకస్మాత్తుగా భారీగా వరదనీరు రావడంతో అనేక ఇళ్లు నీటమునిగాయి. దీంతో 12 వేల కంటే ఎక్కువ గృహాలకు విద్యుత్తు సరఫరా నిలిచిపోయినట్లు తెలిపారు. మరోవైపు 300 మందికిపైగా వ్యక్తులు షెల్టర్లలో వసతి పొందుతున్నారని చెప్పారు. అంతేకాదు వరదల కారణంగా హైవేలు కొట్టుకుపోయాయని, వంతెనలు, ఇళ్లు ధ్వంసమయ్యాయని ప్రకటించారు.