స్టార్ హీరోయిన్ సమంత నటించిన లేటెస్ట్ పాన్ ఇండియా మూవీ ‘యశోద’ట్రైలర్ అందరినీ ఆకట్టుకుంటోంది. గురువారం విజయ్ దేవరకొండ ఈ చిత్ర తెలుగు ట్రైలర్ రిలీజ్ చేశారు. ట్రైలర్‌ను బట్టి చూస్తే ఈ చిత్రం సరోగసీ నేపథ్యంలో తీసినట్లు అర్ధమవుతోంది. ఈ చిత్రం వచ్చే నెల 11న ప్రేక్షకుల ముందుకు రానుంది. సినిమాలో వరలక్ష్మి శరత్‌కుమార్, ఉన్ని ముకుందన్, రావు రమేష్ తదితరులు నటించారు. ఈ చిత్రానికి హరి, హరీష్ దర్శకత్వం వహించారు.
టాలీవుడ్ యంగ్ హీరో సందీప్ కిషన్ హీరోగా నటిస్తున్న పాన్ ఇండియా మూవీ ‘మైఖేల్’ ట్రైలర్‌ను చిత్రబృందం విడుదల చేసింది. ట్రైలర్‌లో సందీప్ లుక్స్, నటన చాలా కొత్తగా ఉన్నాయి. ట్రైలర్ ఆద్యంతం ఆసక్తిగా సాగింది. యాక్షన్ థ్రిల్లర్‌గా ఈ సినిమాను తెరకెక్కించినట్లు ట్రైలర్‌ను బట్టి తెలుస్తోంది. ఈ చిత్రంలో సందీప్‌కు జోడీగా దివ్యాంశ కౌశిక్ నటించింది. రంజిత్.జె ఈ సినిమాకు దర్శకత్వం వహించారు. విజయ్ సేతుపతి, వరుణ్ సందేశ్, అనసూయ, గౌతమ్ మీనన్ కీలక పాత్రలు పోషించారు.
బాలీవుడ్ నటుడు వరుణ్ ధావన్ హీరోగా, కృతిసనన్ హీరోయిన్‌గా తెరకెక్కిన ‘భేడియా’ ట్రైలర్ రిలీజ్ చేశారు మూవీమేకర్స్. ఈ చిత్రం హారర్, కామెడీ ఎంటర్టైనర్‌గా తెరకెక్కింది. ఈ సినిమాలో హీరో ఉదయం మామూలుగా, రాత్రి తోడేలుగా మారి ఇతరులపై దాడి చేస్తూంటాడు. తోడేలుగా మారిన వ్యక్తిగా వరుణ్ ధావన్ నటన ఆకట్టుకునేలా ఉంది. ఈ చిత్రానికి అమర్ కౌశిక్ దర్శకత్వం వహించారు. ఈ సినిమా నవంబర్ 22న తెలుగు, తమిళ, హిందీ ప్రేక్షకుల ముందుకు రానుంది.
@2021 KTree