పర్యాటకుడిని చితకబాదిన ఆకతాయిలు

తాజ్‌మహల్ పర్యటనకు వచ్చిన ఓ పర్యాటకుడిని కొంతమంది ఆకతాయిలు చితకబాదారు. ఇందుకు సంబంధించిన వీడియో నెట్టింట్లో చక్కర్లు కొడుతోంది. తాజ్‌మహల్‌ను చూసేందుకు ఓ పర్యాటకుడు ఆగ్రా వచ్చాడు. ఈ క్రమంలో తాను ప్రయాణిస్తున్న కారు ఓ వ్యక్తిని తాకింది. దీంతో కొంతమంది యువకులు వచ్చి అతడిపై దాడి చేశారు. తప్పించుకుని ఓ దుకాణంలోకి వెళ్లిన పర్యాటకుడిని కర్రలు, రాడ్లతో విచక్షణారహితంగా చావబాదారు. కాగా దాడికి పాల్పడిన 5 మందిని పోలీసులు అరెస్ట్ చేశారు.