మంత్రి రోజా చెప్పులు మోసిన అధికారి

ఆంధ్రప్రదేశ్ పర్యాటక శాఖ మంత్రి పర్యటనలో జరిగిన సంఘటన విమర్శలకు దారితీస్తోంది. బాపట్ల జిల్లా సూర్యలంక బీచ్‌ పర్యటనలో.. ఓ ఉద్యోగి ఆమె చెప్పులు మోశారు. బీచ్‌కు వెళ్లిన మంత్రి తన చెప్పులు అక్కడ వదిలేసి ఇసుకలోకి వెళ్లారు. మేడం గారి చెప్పులు జాగ్రత్త అంటూ ఆమె పీఏ.. అక్కడి పర్యాటక శాఖ ఉద్యోగులను ఆదేశించారు. దీంతో పర్యాటక శాఖ ఉద్యోగి ఒకరు ఆమె చెప్పులను జాగ్రత్తగా పట్టుకుని నిల్చున్నారు. ఈ వీడియోపై ఇప్పుడు విమర్శలు వెల్లువెత్తుతున్నాయి.