దసరా పండుగకు ఆర్టీసీ ప్రత్యేక సర్వీసులు

దసరా పండుగ వేళ దూర ప్రాంతాలకు వెళ్లే ప్రయాణికులు ఇబ్బందులు పడకుండా టీఎస్‌ఆర్టీసీ ప్రత్యేక ఏర్పాట్లు చేసింది. ఈనెల 13 నుంచి 24 వరకు ప్రత్యేక బస్సు సర్వీసులు నడపనుంది. 5,265 బస్సులను రద్దీ మార్గాల్లో నడపనుంది. ఈమేరకు ఆర్టీసీ ఎండీ సజ్జనార్ అధికారులతో ప్రత్యేకంగా సమావేశమై దసరా ఏర్పాట్ల గురించి చర్చించారు. హైదరాబాద్ నుంచి అన్ని జిల్లాలతో పాటు కర్ణాటక, మహారాష్ట్ర వరకు బస్సు సర్వీసులు నడపాలని దిశానిర్దేశం చేశారు.