ఏపీఎస్ ఆర్టీసీ ప్రయాణికులకు శుభవార్త చెప్పింది. దసరా రద్దీని దృష్టిలో ఉంచుకొని అదనంగా 5500 ప్రత్యేక బస్సులను అందుబాటులోకి తీసుకువస్తోంది. గతేడాది మాదిరిగానే ఈ ఏడాది సైతం ఎలాంటి అదనపు చార్జీలు వసూలు చేయడం లేదని ఆర్టీసీ ఎండీ ద్వారకా తిరుమలరావు తెలిపారు. ప్రత్యేక బస్సుల్లో పది శాతం డిస్కౌంట్ సైతం ఇస్తున్నామన్నారు. గత ఏడాది రావడానికి, వెళ్లడానికి రెండు వైపులా టికెట్ తీసుకుంటేనే రాయితీ ఇచ్చామని.. ఈ సారి మాత్రం ఒకవైపు టికెట్ తీసుకున్నా ఇది వర్తిస్తుందని చెప్పారు.