ప్రపంచ చరిత్రలో పెను విధ్వంసం మొదలైంది ఈరోజు. 1945, ఆగస్టు 6న అమెరికా జపాన్‌లోని హిరోషిమా నగరంపై అణు బాంబు దాడి చేపట్టింది. రెండో ప్రపంచ యుద్ధానికి ముగింపు పలికిన ఈ ఘటన ఆనాడు ఎన్నో వేల మంది జపనీయులను బలితీసుకుంది. ఇప్పటికీ అక్కడ అణు బాంబు సృష్టించిన భీకరానికి ఆనవాళ్లున్నాయి. అందుకే, ప్రతి సంవత్సరం ఈ రోజున జపాన్ ‘హిరోషిమా డే’ని శాంతి దినంగా పాటిస్తోంది. అణు బాంబు దాడితో కలిగే అనర్థాలు, అవగాహన కార్యక్రమాన్ని నిర్వహిస్తోంది.