ఏపీ బీజేపీ చీఫ్ పురంధేశ్వరిపై డిప్యూటి సీఎం నారాయణ స్వామి కీలక వ్యాఖ్యలు చేశారు. పురందేశ్వరి ఏ పార్టీయో నాకు అర్థం కావడంలేదు.. చంద్రబాబును కాపాడుకునే తపన తప్ప వేరేది కనబడటం లేదు. ప్రధాని నరేంద్ర మోదీయే చంద్రబాబు అవినీతిపై మాట్లాడితే ఈమె వెనకేసుకొస్తోంది. లోకేష్‌ను వెంటబెట్టుకుని అమిత్ షా దగ్గరకు తీసుకెళ్లడం విడ్డూరంగా ఉంది. మొన్నటి వరకు బీజేపీని ఇష్టారీతిన తిట్టిన టీడీపీ నాయకులతో జతకట్టడం వింతగా ఉంది అంటూ కామెంట్స్ చేశారు.