క్యాబ్‌ రైడ్‌ బుక్‌ రద్దు చేసుకుందన్న కోపంతో ఓ మహిళ పట్ల డ్రైవర్‌ అసభ్యంగా ప్రవర్తించాడు. సదరు మహిళకు అసభ్యకర వీడియోలు, ఫొటోలు పంపాడు. ఈ ఘటన బెంగళూరులో చోటుచేసుకుంది. స్థానికంగా ఉండే మహిళ బయటకు వెళ్లేందుకు క్యాబ్‌ బుక్‌ చేసుకుంది. అయితే, పది నిమిషాల పాటు వేచిచూసినా క్యాబ్‌ రాకపోవడంతో ఆ మహిళ ఆటోలో వెళ్లిపోయింది. దీంతో ఆగ్రహానికి గురైన క్యాబ్‌ డ్రైవర్‌.. ఆమెకు అసభ్యకరమైన ఫొటోలు, వీడియోలను వాట్సాప్‌లో పంపాడు. దీనిపై పోలీసులు కేసు నమోదుచేశారు.