హమాస్ మిలిటెంట్లపై ప్రయోగించేందుకు ఇజ్రాయెల్ తన అమ్ములపొది నుంచి అత్యాధునిక ఆయుధాలను బయటకు తీస్తోంది. తాజాగా ఐరన్ స్టింగ్ అనే ఆయుధ వ్యవస్థను రంగంలోకి దించింది. గాజాలో జనవాసాల మధ్య నుంచి రాకెట్లను ప్రయోగించే లాంఛర్లను ధ్వంసం చేసేందుకు ఐరన్ స్టింగ్ అనే ఆయుధాన్ని వాడటం మొదలు పెట్టింది. ఈ విషయాన్ని ఇజ్రాయెల్ డిఫెన్స్ ఫోర్సెస్ ప్రకటించింది. తొలిసారి యుద్ధంలోకి ఈ ఆయుధాన్ని తీసుకువస్తున్నట్లు పేర్కొంది.