ఆసియా క్రీడల్లో భారత జట్టుకు రుత్‌రాజ్‌ గైక్వాడ్‌ సారథ్యం వహిస్తున్నాడు. తొలి మ్యాచ్ రేపు నేపాల్‌తో జరగనుంది. ఈ నేపథ్యంలో గైక్వాడ్‌ స్పందించాడు. ‘ధోనీ నుంచి నేను చాలా విషయాలు నేర్చుకున్నా. ఆయన స్టైల్‌, ఆయన వ్యక్తిత్వం విభిన్నం. పరిస్థితులను ఎలా హ్యాండిల్ చేయాలి? మ్యాచ్‌ సమయంలో కొందరు ఆటగాళ్లతో ఎలా ప్రవర్తించాలి? వంటివి ఆయన నుంచి నేర్చుకోవాలి. అయితే, నా స్టైల్‌లోనే కెప్టెన్సీని నిర్వర్తించాలని కోరుకుంటున్నా. ఆటగాళ్లు తమ అత్యుత్తమ ప్రదర్శనను ఇచ్చేలా వారికి పూర్తి స్వేచ్ఛనిస్తా’ అని గైక్వాడ్‌ చెప్పాడు.