రష్యా అధ్యక్షుడు వ్లాదిమిర్ పుతిన్‌కు అంతర్జాతీయ న్యాయస్థానం (ఐసీసీ) అరెస్ట్ వారెంట్ జారీ చేసింది. ఉక్రెయిన్‌లోని ఆక్రమిత ప్రదేశాల నుంచి పిల్లలను అక్రమంగా రష్యాకు తరలించిన నేరానికి పుతిన్‌కు అరెస్ట్ వారెంట్ జారీ చేస్తున్నట్లు ఐసీసీ తెలిపింది. అలాగే రష్యా బాలల హక్కుల కమిషనర్ మారియా బెలోవాకు కూడా వారెంట్ ఇచ్చినట్లు పేర్కొంది. కాగా ఐసీసీ అరెస్ట్ వారెంట్ జారీ చేయవచ్చని.. కానీ నిందితులను అరెస్ట్ చేసే హక్కు ఏమాత్రం లేదని రష్యా విదేశాంగశాఖ అధికార ప్రతినిథి స్పష్టం చేశారు.