తెలుగోడి దెబ్బకు ఎవడైనా దిగి రావాల్సిందేనని కేంద్ర పర్యాటకశాఖ మంత్రి జి.కిషన్‌రెడ్డి అన్నారు. తమిళనాడులోని తెలుగువాళ్లంగా ఐక్యమత్యంగా ఇక్కడి ప్రభుత్వంపై పోరాడి హక్కులు సాధించుకోవాలని పేర్కొన్నారు. చెన్నైలో జరిగిన తెలుగు వారి ఆత్మీక సమావేశంలో కేంద్ర మంత్రి మాట్లాడారు. తమిళనాడులో తెలుగు కనుమరుగయ్యే పరిస్థితిలో ఉందని ఆయన ఆవేదన వ్యక్తం చేశారు. కాగా ఫిబ్రవరి 7 నుంచి 10 వరకు కిషన్‌రెడ్డి ఇరాన్‌లో పర్యటించనున్నారు.
కేంద్ర మాజీ మంత్రి, ఎల్జేడీ అధినేత శరద్ యాదవ్ (75) గురువారం రాత్రి కన్నుమూశారు. కొంతకాలంగా ఆయన అనారోగ్యంతో బాధ పడుతున్నారు. ఈక్రమంలో గురుగ్రామ్‌లోని ఫోర్టిస్ ఆస్పత్రిలో చికిత్స పొందుతూ తుది శ్వాస విడిచారు. శరద్ యాదవ్ బిహార్‌లోని మాధేపురా స్థానం నుంచి ఏకంగా 10 సార్లు లోక్‌సభకు ఎంపికయ్యాడు. జయప్రకాశ్ నాయుడికి శిష్యుడిగా మారి సోషలిస్టు ఉద్యమంలో చురుగ్గా పాల్గొన్నారు. 1997లో ఆయన జేడీయూ స్థాపించి.. దానిని వీడి 2018లో ఎల్జేడీని స్థాపించారు.
గ్యాస్ సిలిండర్లకు క్యూఆర్ కోడ్ వ్యవస్థను అమలు చేయనున్నట్లు కేంద్ర చమురు వ్యవహారాలశాఖ మంత్రి హర్దీప్ సింగ్ పూరీ తెలిపారు. స్మార్ట్‌ఫోన్‌తో సిలిండర్‌కు ఉన్న క్యూఆర్ కోడ్‌ను స్కాన్ చేయవచ్చన్నారు. గ్యాస్ ఏ ఏజెన్సీ నుంచి డెలీవరీ అవుతుంది? గ్యాస్ ఎక్కడ నింపారు? భద్రతా ప్రమాణాలు పాటించారా? సిలిండర్‌లో ఎన్ని కేజీల గ్యాస్ ఉందనే విషయాలు తెలుసుకోవచ్చునని వివరించారు. మరో మూడు నెలల్లో ఈ ప్రాజెక్టును పూర్తి చేయనున్నట్లు మంత్రి హర్దీప్ తెలిపారు.
ఢిల్లీని గ్యాస్ ఛాంబర్‌గా మార్చేశారంటూ ఆప్ ప్రభుత్వంపై కేంద్ర పర్యావరణశాఖ మంత్రి భూపేందర్ యాదవ్ విరుచుకుపడ్డారు. దీని వెనుక పెద్ద స్కామ్ ఉందని ఆయన ట్విటర్‌లో ఆరోపించారు. ఆప్ పాలిస్తున్న పంజాబ్‌లో వ్యవసాయ పొలాల్లో మంటలు 19 శాతం పెరిగాయని విమర్శించారు. అదే బీజేపీ పాలిస్తున్న హరియాణాలో 30 శాతం మంటలు తగ్గాయని తెలిపారు. కాగా ఢిల్లీలో కాలుష్యానికి బీజేపీ ప్రభుత్వాలు, ప్రధాని మోదీ కారణమంటూ ఇటీవల ఢిల్లీ సీఎం అరవింద్ కేజ్రీవాల్ విమర్శించారు.
@2021 KTree