93 ఏళ్ల ఓ వృద్ధ వయస్కురాలు ఆంగ్ల భాషలో పీహెచ్‌డీ పట్టా అందుకున్నారు. ఉస్మానియా విశ్వవిద్యాలయంలో జరిగిన 83వ స్నాతకోత్సవంలో రేవతి తంగవేలు పీహెచ్‌డీ పట్టా అందుకున్నారు. ఆమె 1990లో అధ్యాపకురాలిగా పదవీ విరమణ చేశారు. తర్వాత నుంచి సికింద్రాబాద్‌లోని కీస్‌ ఎడ్యుకేషనల్‌ సొసైటీలో కీలక బాధ్యతలు నిర్వహిస్తున్నారు. ఆంగ్లభాషలో వ్యాకరణం, వర్ణమాలతో పాటు పదాల కూర్పు వంటి అంశాలపై ఆమె పరిశోధనలు చేశారు.