రిలయన్స్‌ ఇండస్ట్రీస్ అధినేత ముకేశ్ అంబానీకి మరోసారి బెదిరింపులు రావడం కలకలం రేపింది. అంబానీ కంపెనీకి చెందిన ఓ ఈ-మొయిల్‌ ఐడీకి గుర్తుతెలియని వ్యక్తి నుంచి ఓ బెదిరింపు మెయిల్ వచ్చినట్లు పోలీసులు తెలిపారు. రూ.20 కోట్లు ఇవ్వాలని లేదంటే కాల్చి చంపేస్తామని ఆ మెయిల్‌లో నిందితుడు హెచ్చరించినట్లు తెలిపారు. దీనిపై కేసు నమోదు చేసి దర్యాప్తు చేస్తున్నట్లు ముంబయి పోలీసులు వివరించారు. కాగా గతంలోనూ పలుమార్లు అంబానీకి బెదిరింపు మెయిల్స్ వచ్చాయి.