ప్రస్తుతం బుల్లితెరపై ఎంతో మంది మహిళా యాంకర్లు తెలుగు ప్రేక్షకులను అలరిస్తున్నారు. సుమ, ఝాన్సీ, శ్యామల, ఉదయభాను వంటి సీనియర్ యాంకర్లు తమ మాటలతో మంచి గుర్తింపు సంపాదించగా.. ఇంకొందరు తమ బ్యూటీతో మంచి క్రేజ్ సొంతం చేసుకున్నారు. చిట్టిపొట్టి డ్రెస్సులతో గ్లామర్ షో చేస్తున్నారు. హీరోయిన్లకు ఏమాత్రం తీసిపోని అందంతో బుల్లితెర ప్రేక్షకులను ఫిదా చేస్తున్నారు. తద్వారా సినిమా అవకాశాలు దక్కించుకొని పై స్థాయికి ఎదుగుతున్నారు. ప్రస్తుతం తెలుగులోని బ్యూటీఫుల్ యాంకర్లు ఎవరో ఇప్పుడు చూద్దాం.
1. అనసూయ (Anasuya)
యాంకర్ అనసూయ గురించి పెద్దగా పరిచయం చేయాల్సిన పనిలేదు. జబర్దస్త్ షో ద్వారా తెలుగు ప్రేక్షకులకు పరిచయమైన ఈ భామ.. తన గ్లామర్తో షోకే అందాన్ని తీసుకొచ్చింది. ఆ షో సూపర్ హిట్ కావడంలో తన వంతు పాత్ర పోషించింది. జబర్దస్త్ క్రేజ్తో సినిమాల్లోకి వచ్చిన ఈ గ్లామర్ బ్యూటీ.. ‘రంగస్థలం’లో రంగమ్మత్త, ‘పుష్ప’లో దాక్షాయణి పాత్రల్లో మెప్పించి మరింత గుర్తింపు సంపాదించింది. ప్రస్తుతం వరుసగా సినిమాలు చేస్తూ బిజీ బిజీగా గడుపుతోంది.
2. రష్మి (Rashmi)
జబర్దస్త్ షో ద్వారానే మంచి క్రేజ్ సంపాదించుకున్న మరో యాంకర్ రష్మి. జబర్దస్త్ స్కిట్లతో పాటు రష్మి అందాలకు కూడా పెద్ద సంఖ్యలో ఫ్యాన్స్ ఉన్నారు. చిరంజీవి లేటెస్ట్ మూవీ భోళా శంకర్లోనూ రష్మి నటించింది.
3. శ్రీముఖి (Srimukhi)
యాంకర్ అనసూయ, రష్మిల తరువాత ఆ స్థాయిలో అందాలు ఆరబోసే బుల్లితెర యాంకర్ ‘శ్రీముఖి’. వినోదాన్ని పంచే విషయంలో వారిద్దరి కంటే శ్రీముఖి ఓ మెట్టు పైనే ఉంటుంది. ఈ భామ కూడా తన గ్లామర్తో ఎక్కువ మంది అభిమానులను సంపాదించుకుంది.
4. వింధ్య (Vindhya)
తెలుగు యాంకర్లు అందరిదీ ఒక లెక్క అయితే.. వింధ్యది మరో లెక్క. తెలుగులో ఏకైక మహిళా స్పోర్ట్స్ యాంకర్ ఆమెనే. ఐపీఎల్ వచ్చినా, కబడ్డీ లీగ్స్ జరిగినా వింధ్య తన యాంకరింగ్తో కనువిందు చేస్తుంటుంది. తన హాట్నెస్తో క్రీడాభిమానుల హృదయాలను కొల్లగొడుతోంది
5. మంజూష (Manjusha)
హీరోయిన్ మెటీరియల్లా అనిపించే యాంకర్ మంజూష.. చాలా ఏళ్లుగా ఇండస్ట్రీలోనే ఉంది. తన గ్లామర్ షోతో కుర్రకారు మతులు పొగొట్టే ఈ భామ.. ఆడియో, సినిమా ఫంక్షన్లలో ఎక్కువగా కనిపిస్తూ ఉంటుంది. మిగిలిన యాంకర్ల లాగా టీవీ, రియాలిటీ షోలలో కనిపిస్తుంటారు కానీ.. మంజూష మాత్రం సినిమా ఈవెంట్లలోనే తళుక్కున మెరుస్తూ ఉంటుంది.
6. వర్షిణి (Varshini)
అందాల ఆరబోతలో అనసూయ, రష్మీలకు యాంకర్ వర్షిణీ గట్టి పోటీ ఇస్తోంది. టీవీ షోలలో ఎక్కువగా కనిపించే ఈ భామ.. ఇటీవల కాలంలో తన దూకుడు బాగా తగ్గించింది. పెద్దగా ఏ షోలలోనూ కనిపించడం లేదు.
7. విష్ణు ప్రియ (Vishnu Priya)
తెలుగులో డ్యాన్స్ అద్భుతంగా చేసే అతికొద్ది మంది యాంకర్లలో విష్ణుప్రియ ఒకరు. ఈ భామ కూడా ఒంపుసొంపులను ఒలికించడంలో ఏ మాత్రం ఆలోచించడం లేదు. అవకాశం వచ్చినప్పుడల్లా తన గ్లామర్ షోతో అందరి దృష్టిని ఆకర్షిస్తోంది.