కంటతడి పెట్టిన కేసీఆర్

తెలంగాణ గిడ్డంగుల కార్పొరేషన్‌ ఛైర్మన్‌, ఉద్యమ గాయకుడు సాయిచంద్‌ భౌతికకాయం వద్ద సీఎం కేసీఆర్‌ నివాళులర్పించే క్రమంలో భావోద్వేగానికి లోనయ్యారు. గుర్రంగూడలోని సాయిచంద్ నివాసానికి వెళ్లిన సీఎం.. కుటుంబసభ్యులను ఓదార్చారు. సాయిచంద్‌ భార్య, పిల్లలు కేసీఆర్‌ కాళ్లపై పడి రోదించారు. ఈ క్రమంలో వారిని ఓదార్చే క్రమంలో కేసీఆర్‌ కంటతడి పెట్టారు. అనంతరం సాయిచంద్‌ తండ్రి వెంకట్‌రాములును ఓదార్చారు. తానున్నాంటూ వారికి భరోసా ఇచ్చారు.