బ్రిటీష్ కాలం నాటి గవర్నర్ వ్యవస్థను రద్దు చేయాలని ఐటీ శాఖ మంత్రి కేటీఆర్ అన్నారు. రాజ్యాంగ పదవుల్లో ఉన్నవారు ఒక పార్టీకి మద్దతుగా మాట్లాడటం సరికాదని వ్యాఖ్యానించారు. ప్రస్తుతం గవర్నర్ తమిళిసైతో ఇబ్బందులు తలెత్తిన వేళ కీలక వ్యాఖ్యలు చేశారు కేటీఆర్. “ బ్రిటీష్ కాలంనాటి పేర్లు, చట్టాలను ప్రధాని తొలగిస్తున్నారు. రాచరిక వ్యవస్థను మార్చాలని చెబుతున్న ఆయన… బ్రిటీష్ కాలం నాటి గవర్నర్ వ్యవస్థను కూడా రద్దు చేయాలి. విభజన హామీలు అమలు చేయాలి “ అన్నారు.
తెలంగాణలో రాజ్భవన్, ప్రగతి భన్ మధ్య కోల్డ్‌ వార్‌ కొనసాగుతున్నట్లు కనిపిస్తోంది. గణతంత్ర వేడుకలను రాజ్‌భవన్‌లో నిర్వహిస్తున్ననట్లు గవర్నర్ తమిళిసై ప్రకటించారు. ఉదయం పతాకావిష్కరణ చేస్తారు. సాయంత్రం ఎట్‌ హోమ్ కార్యక్రమం నిర్వహిస్తున్నట్లు వెల్లడించారు. ఇక ఎట్‌హోమ్‌కు ప్రభుత్వ వర్గాలు దూరంగానే ఉంటాయని తెలుస్తోంది. గతేడాది కూడా ఇలానే జరిగింది. బడ్జెట్ సమావేశాల్లో గవర్నర్ ప్రసంగం ఉండదని సమాచారం.
ఛత్తీస్‌గఢ్‌ వేదికగా భారత్‌, న్యూజిలాండ్‌ మ్యాచ్‌కు అక్కడి గవర్నర్‌కు ఆహ్వానం పంపకపోవటంపై రాజ్భవన్ ఆగ్రహం వ్యక్తం చేసింది. బీసీసీఐపై గవర్నర్ అనసూయ ఊకే విమర్శలు చేశారు. ఈ విషయంపై కేంద్ర ప్రభుత్వానికి ఫిర్యాదు చేస్తామని ప్రభుత్వ ప్రతినిధి తెలిపారు. బీసీసీఐ ప్రొటోకాల్స్‌ను గౌరవించడం తెలుసుకోవాలన్నారు. మ్యాచ్‌ను చూసేందుకు ప్రముఖ ప్రజాప్రతినిధులతో సహా ముఖ్యులకు ఆహ్వానం అందించిన సంగతి తెలిసిందే. ఇందులో టీమిండియా విజయం సాధించింది.
తెలంగాణ శాసనసభ, మండలి సమావేశాలు ఫిబ్రవరి 3 నుంచి ప్రారంభం కానున్నాయి. అయితే, ఈసారి కూడా గవర్నర్ ప్రసంగం ఉండబోదని తెలుస్తోంది. గత సమావేశాలకు కొనసాగింపుగానే ఈ సమావేశాలను ప్రారంభించనున్నారు. శాసనసభ ప్రారంభం రోజునే బడ్జెట్ ప్రవేశ పెట్టే అవకాశం ఉన్నట్లు తెలుస్తోంది. ఫిబ్రవరి 3న మధ్యాహ్నం 12.10 గంటలకు అసెంబ్లీ సమావేశాలు షురూ అయ్యే ఛాన్స్ ఉంది. ఈ మేరకు ఎమ్మెల్యేలు, ఎమ్మెల్సీలకు సమాచారం అందజేశారు. మరోవైపు, మంత్రులతో సీఎం కేసీఆర్ బడ్జెట్ ప్రతిపాదనలపై సమావేశం నిర్వహిస్తున్నారు
తెలంగాణ శాసనసభ, మండలి సమావేశాలు ఫిబ్రవరి 3 నుంచి ప్రారంభం కానున్నాయి. అయితే, ఈసారి కూడా గవర్నర్ ప్రసంగం ఉండబోదని తెలుస్తోంది. గత సమావేశాలకు కొనసాగింపుగానే ఈ సమావేశాలను ప్రారంభించనున్నారు. శాసనసభ ప్రారంభం రోజునే బడ్జెట్ ప్రవేశ పెట్టే అవకాశం ఉన్నట్లు తెలుస్తోంది. ఫిబ్రవరి 3న మధ్యాహ్నం 12.10 గంటలకు అసెంబ్లీ సమావేశాలు షురూ అయ్యే ఛాన్స్ ఉంది. ఈ మేరకు ఎమ్మెల్యేలు, ఎమ్మెల్సీలకు సమాచారం అందజేశారు. మరోవైపు, మంత్రులతో సీఎం కేసీఆర్ బడ్జెట్ ప్రతిపాదనలపై సమావేశం నిర్వహిస్తున్నారు
AP: ప్రభుత్వ ఉద్యోగులకు జీతాలు సకాలంలో చెల్లించాలని రాష్ట్ర ప్రభుత్వ ఉద్యోగుల సంఘం నేతలు గవర్నర్‌ని ఆశ్రయించారు. ఈ మేరకు సంఘం అధ్యక్షుడు సూర్యనారాయణ గవర్నర్ బిశ్వభూషన్‌కు వినతిపత్రాన్ని సమర్పించారు. నిర్ణీత గడువులోనే ఉద్యోగులకు జీతాలు చెల్లించేలా ప్రభుత్వానికి తగు సూచనలు చేయాలని కోరారు. ఉద్యోగులకు కల్పించాల్సిన ఆర్థిక ప్రయోజనాలను కూడా ప్రభుత్వం ఉల్లంఘిస్తోందని ఫిర్యాదు చేశారు. ప్రభుత్వ ఆదాయంపై ఉద్యోగులదే తొలిహక్కు అని చెప్పారు. ఏప్రిల్‌లో ఉద్యమం చేస్తామని సూర్యనారాయణ డిమాండ్ చేశారు.
వైఎస్సార్ తెలంగాణ పార్టీ అధ్యక్షురాలు షర్మిల తెలంగాణ గవర్నర్ తమిళిసై సౌందర్ రాజన్‌ను కలిశారు. హైదరాబాద్‌లోని రాజ్‌భవన్‌కు వెళ్లి సమావేశం అయ్యారు. రెండ్రోజుల క్రితం ప్రగతిభవన్‌ ముట్టడికి వెళ్లిన ఆమెను పోలీసులు అడ్డుకున్నారు. ఈ క్రమంలో వాహనం దిగకపోవటంతో కారులో ఉండగానే తాడు కట్టి తీసుకెళ్లారు. దీనిపై స్పందించిన గవర్నర్ అలా చేయడం సరైంది కాదని పేర్కొన్నారు. దీంతో వీరి భేటీ ప్రాధాన్యత సంతరించుకుంది.
డిసెంబర్ 7న రాజ్ భవన్ ముట్టడికి సీపీఐ పిలుపునిచ్చింది. అభివృద్ధికి ఆటంకంగా మారుతున్న గవర్నర్ వ్యవస్థను రద్దు చేయాలని డిమాండ్ చేస్తూ ముట్టడి చేస్తామని సీపీఐ రాష్ట్ర కార్యదర్శి కూనంనేని సాంబశివరావు తెలిపారు. ప్రభుత్వ వ్యవహారాల్లో జోక్యం చేసుకొని అభివృద్ధిని అడ్డుకుంటున్నారని ఆగ్రహం వ్యక్తం చేశారు. రాష్ట్రంలో సీపీఐ కంటే భాజపా పెద్ద పార్టీ ఏం కాదని..వారు గెలుస్తామని ప్రచారం చేసుకోవడం హాస్యాస్పదమని వ్యాఖ్యానించారు.
బీజేపీ ఎంపీ అర్వింద్ ఇంటిపై దాడిని గవర్నర్ తమిళిసై ఖండించారు. దాడి ఘటనపై నివేదిక ఇవ్వాలని డీజీపీని ఆదేశించారు. మరోవైపు అర్వింద్ తల్లి ఇచ్చిన ఫిర్యాదు మేరకు బంజారహిల్స్ పోలీసులు కేసు నమోదు చేశారు. సీసీటీవీ ఫుటేజ్ పరిశీలించిన పోలీసులు మొత్తం 8మందిపై నాన్‌ బెయిలబుల్ కేసు నమోదు చేశారు. శుక్రవారం ఉదయం బీజేపీ ఎంపీ అర్వింద్ ఇంటిపై కొంతమంది దాడి చేసిన విషయం తెలిసిందే. ఈ దాడి టీఆర్ఎస్ నాయకులే చేశారని బీజేపీ ఆరోపిస్తోంది.
నేటి నుంచి రాష్ట్రవ్యాప్తంగా బతుకమ్మ పండుగ మొదలు కానుంది. గవర్నర్ తమిళిసై నేడు రాజ్‌భవన్‌లో బతుకమ్మ పండుగ నిర్వహిస్తున్నారు. రాష్ట్ర ప్రభుత్వం ఈ పండుగ కోసం భారీగా ఏర్పాట్లు చేసింది. వివిధ కార్యక్రమాలను నిర్వహించేందుకు సిద్ధమైంది. బతుకమ్మ మైదానాల వద్ద విద్యుత్, పారిశుద్ధ్య నిర్వహణ చేపట్టాలని సూచించింది. ఘాట్‌ల వద్ద ప్రమాదాల నివారణకు ప్రత్యేక చర్యలు తీసుకోవాలని సూచించింది. తెలంగాణ జాగృతి ఆధ్వర్యంలో వేడుకలు నిర్వహించనున్నారు.
@2021 KTree