భాజపాను గద్దెదించడమే లక్ష్యంగా ప్రతిపక్షాలు ఏకమవుతున్నాయి. బిహార్ సీఎం నితీశ్ కుమార్, ఆర్జేడీ అధినేత లాలూ ప్రసాద్ యాదవ్.. నేడు సోనియా గాంధీని కలవనున్నారు. ఓ ర్యాలీలో పాల్గొనేందుకు ఈ ‘నీలూ’ ద్వయం దిల్లీ వెళ్లనుంది. అనంతరం సోనియాను కలిసే అవకాశం ఉంది. బీజేపీ సర్కారును గద్దె దించేందుకు అన్ని ప్రతిపక్షాలను కలుపుకుపోవడంపై వీరు చర్చించనున్నారు. రాజకీయ వర్గాల్లో ఈ భేటీ ఆసక్తి రేపుతోంది.

నితీశ్, లాలూ.. బిహార్ రాజకీయాల్లో కురువృద్ధులు. వీరిద్దరూ కలిసి రెండు దశాబ్దాల కిందట ఒక పార్టీ కోసం పనిచేశారు. ఆనాడు ఘన విజయం సాధించారు. ఇప్పుడు మళ్లీ ఒక్కటయ్యారు. అధికార భాజపాపై పోరాడేందుకు రెడీ అవుతున్నారు. ఇందులో భాగంగా కాంగ్రెస్ అధినేత్రి సోనియాను కలవనున్నారు. దీంతో మరోసారి ఈ ద్వయం విజయభావుటా ఎగరవేయనుందనే చర్చ రాజకీయ వర్గాల్లో మొదలైంది. ఇటీవల కేసీఆర్ బిహార్ పర్యటన అనంతరం ఈ పరిణామం చోటుచేసుకోవడం గమనార్హం!