స్వదేశానికి వెళ్లిన షకీబ్.. ఎందుకంటే?
వరల్డ్‌కప్‌ మధ్యలో బంగ్లాదేశ్ కెప్టెన్‌ షకీబ్ అల్ హసన్‌ శిక్షణ కోసం ఢాకాకు వెళ్లాడు. తన మెంటార్‌ నజ్ముల్‌ అబెదీన్‌ ఫహీమ్‌తో కలిసి షేర్‌ బంగ్లా స్టేడియంలో ప్రాక్టీస్‌ చేశాడు. దాదాపు మూడు గంటల పాటు అతడి శిక్షణ కొనసాగింది. ప్రధానంగా త్రోడౌన్‌లను షకీబ్ ప్రాక్టీస్‌ చేసినట్లు తెలుస్తోంది. బంగ్లాదేశ్ తన తర్వాతి రెండు మ్యాచ్‌లను నెదర్లాండ్స్‌ (29న), పాకిస్థాన్‌ (31న) జట్లతో ఆడనుంది. టోర్నీలో ఇప్పటివరకూ ఐదు మ్యాచ్‌లు ఆడిన బంగ్లా, ఒక్కదాంట్లో గెలిచి, నాలుగింట్లో ఓడింది.
