యూపీలో అమానుష ఘటన
ఉత్తరప్రదేశ్‌లోని బరేలీ నగరంలో అమానుష ఘటన జరిగింది. అత్యాచారాన్ని ప్రతిఘటించిందనే కారణంతో కొందరు యువకులు 17 ఏళ్ల బాలికను రైలు కింద పడేశారు. దీంతో బాలిక రెండు కాళ్లు, ఒక చెయ్యి కోల్పోయి ప్రాణాపాయ స్థితిలో ఉంది. నిందితుల్లో ఒకరిని పోలీసులు అరెస్ట్ చేశారు. ఇంటర్ చదువుతున్న తన కుమార్తెను కొందరు యువకులు వేధింపులకు గురిచేస్తున్నారని స్థానిక పోలీస్ స్టేషన్‌లో ఫిర్యాదు చేసినా పట్టించుకోలేదని బాధితురాలి తండ్రి తెలిపాడు. ఈ ఘటనపై స్పందించిన కలెక్టర్ నలుగురు పోలీసులను సస్పెండ్ చేశారు.
