నవ్వులు పూయిస్తున్న క్రికెట్‌ వీడియో

యూరోపియన్ క్రికెట్‌ లీగ్ మ్యాచ్‌లో ఓ వికెట్ కీపర్ చేసిన పని అందరి చేత నవ్వులు పూయించింది. యునైటెడ్ క్రికెట్ క్లబ్, ప్రాగ్యూ టైగర్స్‌ మధ్య మ్యాచ్‌ జరిగింది. యునైటెడ్ జట్టుకు చివరి రెండు బంతుల్లో మూడు పరుగులు అవసరమైంది. ఈ క్రమంలో ప్రాగ్యూ జట్టు వికెట్ కీపర్ రనౌట్‌ చేసేందుకు బంతిని కాలితో వికెట్ల మీదకు తన్నాడు. అది స్టంప్స్‌ను తాకకుండా దూరంగా వెళ్లిపోయింది. అక్కడి నుంచి ఫీల్డర్లు వేగంగా బంతిని విసిరేయడంతో అది కాస్త బౌండరీ లైన్‌ దాటేసింది. దీంతో యునైటెడ్ క్రికెట్ క్లబ్‌ విజయం సాధించింది.