నటి జయప్రదకు హైకోర్టులో ఎదురు దెబ్బ

సినీ నటి జయప్రదకు మద్రాస్ హైకోర్టులో ఎదురుదెబ్బ తగిలింది. తనకు విధించిన జైలు శిక్షను రద్దు చేయాలని దాఖలు చేసిన పిటిషన్‌ను న్యాయస్థానం కొట్టివేసింది. చెన్నైలోని అన్నాపాలైలో జయప్రద ఓ సినిమా థియేటర్ నడిపారు. తమ ఈఎస్‌ఐ చెల్లింపుల్లో( రూ.37లక్షలు) మోసం చేశారని థియేటర్ సిబ్బంది ఆమెపై ఎగ్మూరు కోర్టులో కేసు నమోదు చేశారు. విచారించిన కోర్టు జయప్రదకు 6 నెలలు జైలు, రూ.5 వేల జరిమానా విధించింది. అప్పీలుకు వెళ్లిన జయప్రద రూ.20 లక్షలు చెల్లిస్తానని కోర్టుకు చెప్పగా.. సిబ్బంది వ్యతిరేకించారు.