దసరా రోజు కన్నతల్లినే కడతేర్చాడు
TG: వికారాబాద్‌ జిల్లా బషీరాబాద్‌ మండలంలో దారుణం జరిగింది. కాశీపూర్‌లో వెంకటేశ్‌ అనే వ్యక్తి కన్న తల్లినే కడతేర్చాడు. అనంతరం తల్లి అంజమ్మ మృతదేహాన్ని గోనెసంచిలో పెట్టి వాగులో పడేశాడు. దసరా రోజు ఈ ఘటన జరిగింది. దీనిపై కేసు నమోదు చేసిన పోలీసులు నిందితుడ్ని అరెస్టు చేశారు. జల్సాలకు అలవాటు పడిన వెంకటేశ్‌, విపరీతంగా అప్పులు చేసినట్లు పోలీసులు తెలిపారు. ఆ అప్పు తీర్చలేక తల్లిని చంపినట్లు ప్రాథమికంగా తేల్చారు. ఈ ఘటనకు సంబంధించి దర్యాప్తు కొనసాగుతున్నట్లు వివరించారు.
