• Cricket
  • Lifestyle
  • Health
  • Relationships
  • People
  • Recommended
  • Technology
  • Apps
  • Gadgets
  • Tech News
  • Telugu Movies
  • Hot Actress
  • Movie News
  • Reviews
  • మునుగోడులో బీజేపీ గెలిచి ఓడింది: కిషన్ రెడ్డి

    మునుగోడు ఉపఎన్నికలో బీజేపీ గెలిచి ఓడిందని కేంద్రమంత్రి కిషన్ రెడ్డి అన్నారు. ప్రలోభాలు, బెదిరింపులతోనే టీఆర్ఎస్ గెలిచిందని ఆరోపించారు.గత ఎన్నికల్లో డిపాజిట్ రాని స్థాయి నుంచి రెండో స్థానానికి బీజేపీ చేరిన విషయాన్ని గమనించాలన్నారు. అసలైన ఆట ఇప్పుడే మొదలైందన్నారు. టీఆర్ఎస్ ప్రభుత్వానికి వ్యతిరేకంగా మరింత కసితో పనిచేయాలని పార్టీ శ్రేణులకు సూచించారు.

    అందుకే డిపాజిట్లు కోల్పోయా; పాల్వాయి స్రవంతి

    తమ ఓటు బ్యాంకు మొత్తం బీజేపీ వైపు మళ్లిందని, అందుకే తాను డిపాజిట్ కూడా దక్కించుకోలేకపోయానని మునుగోడు ఉప ఎన్నిక కాంగ్రెస్ అభ్యర్థి పాల్వాయి స్రవంతి అన్నారు. టీఆర్‌ఎస్, బీజేపీ పార్టీలు ధన, అధికార బలంతో పోటీ చేశాయని, కానీ తాను ప్రజాబలంతో పోటీ చేశానని చెప్పారు. టీఆర్‌ఎస్, బీజేపీ పార్టీలు కలసి రూ.500 కోట్లు ఖర్చు చేశాయని ఆరోపించారు. టీఆర్ఎస్ ప్రలోభాలతో గెలిచిందని విమర్శించారు. ఇక కోమటిరెడ్డి వెంకట్‌రెడ్డి సంగతి హైకమాండ్ చూసుకుంటుందని చెప్పారు.

    మునుగోడు: బీజేపీ ఓటమికి అసలు కారణాలు

    మునుగోడు ఉపఎన్నికలో బీజేపీ ఓటమికి ప్రధానంగా ఐదు కారణాలు కనిపిస్తున్నాయి. 1.టీఆర్ఎస్ రూ.18 వేల కోట్ల కాంట్రాక్ట్ కౌంటర్‌కు సరైన సమాధానం రాజగోపాల్ రెడ్డి చెప్పలేకపోవడం. 2.సోదరుడు కోమటి రెడ్డి వెంకట్ రెడ్డి ఆడియోలీక్, 3.రాజగోపాల్ రెడ్డి బీజేపీలో చేరినా క్యాడర్ పూర్తిగా తన వెంట రాకపోవడం. 4.రాజీనామా ఎందుకు చేశారో రాజగోపాల్ రెడ్డి సరైన వివరణ ఇవ్వకపోవడం.5. బీజేపీ అగ్రనేతలు మునుగోడును లైట్ తీసుకోవడం. ఇవన్నీ బీజేపీ విజయవకాశాలను దెబ్బతీశాయి.

    ఏడింటిలో నాలుగు బీజేపీకే

    మునుగోడుతో పాటు దేశ వ్యాప్తంగా ఆరు రాష్ట్రాల్లో జరిగిన ఉపఎన్నికల ఫలితాలు వెలువడ్డాయి. నాలుగు స్థానాలను బీజేపీ కైవసం చేసుకుంది. టీఆర్ఎస్, ఆర్జేడీ, శివసేన ఒక్కో సీటును గెల్చుకున్నాయి. ఉత్తర్‌ప్రదేశ్‌లోని గోలా గోకరణ్‌నాథ్, హర్యానాలోని అదంపూర్, బిహార్ గోపాల్‌గంజ్ ఒడిశా ధామ్ నగర్ స్థానాల్లో బీజేపీ జయకేతనం ఎగరవేసింది. అదంపూర్‌లో గెలిచి అధికార పార్టీ బీజేడీకి షాకిచ్చింది. కానీ, తెలంగాణలో బీజేపీ ఓడిపోయింది. బిహార్‌ మొకామాలో బీజేపీపై ఆర్జేడీ గెలిచింది. మహారాష్ట్రలోని తూర్పు అంధేరీలో ఉద్ధవ్ ఠాక్రే వర్గం అభ్యర్థి విజయం సాధించారు. ఈ … Read more

    రేపు గెలిచేది టీఆర్‌ఎస్సే: హరీష్ రావు

    కేంద్రంపై మంత్రి హరీష్‌రావు ఫైర్ అయ్యారు. ‘వరి ధాన్యం కొనమంటే కేంద్రం కొనదు.. ఎమ్మెల్యేలను మాత్రం ఎన్ని కోట్లు ఖర్చు చేసైనా కొంటుంది. ఒక్కో ఎమ్మెల్యేను కొనేందుకు రూ.100 కోట్లు పెట్టడానికైనా వెనుకాడలేదు. తెలంగాణ ప్రభుత్వాన్ని కూల్చేందుకు కేంద్రం కుట్ర చేసింది. రేపు వచ్చే మునుగోడు ఫలితం ద్వారా బీజేపీ బుద్ధి వస్తుంది. మునుగోడులో టీఆర్ఎస్ కచ్చితంగా గెలుస్తుంది’ అని ధీమా వ్యక్తం చేశారు.

    మునుగోడు ఫలితంపై రూ. వెయ్యి కోట్లు బెట్టింగ్

    TS: మునుగోడు ఉపఎన్నిక ఫలితంపై బెట్టింగ్ రాయుల్లు పెద్దఎత్తున పందాలు కాస్తున్నారు. ఏపీ, తెలంగాణలో మునుగోడు ఫలితంపై చర్చ జరుగుతోంది. దీన్ని అవకాశంగా మార్చుకున్న బెట్టింగ్ రాయుళ్లు రూ.వెయ్యి కోట్లకుపైగా బెట్టింగ్ పెట్టినట్లు తెలిసింది. కోమటి రెడ్డి రాజగోపాల్ రెడ్డి గెలిస్తే అర్ధరూపాయికి రూపాయి, టీఆర్ఎస్ గెలిస్తే రూ.లక్షకు రూ.లక్ష బెట్టింగ్ పెడుతున్నారు. ఈ బెట్టింగ్‌లకు క్రికెట్ బుకీలు సపోర్ట్ అందిస్తునట్లు తెలిసింది. మునుగోడు ఫలితంపై బెట్టింగ్ రాయుళ్లు ఎవరికివారు సొంతంగా సర్వేలు చేపట్టినట్లు తెలిసింది. ఇదంతా పోలింగ్‌కు పదిరోజుల ముందు నుంచే జరిగినట్లు … Read more

    మునుగోడులో 93.13% పోలింగ్

    రాష్ట్రవ్యాప్తంగా హాట్ టాపిక్‌గా మారిన మునుగోడు ఉపఎన్నిక ముగిసింది. రాత్రి 10.30 దాకా పోలింగ్ జరిగింది.. 93.13 శాతంతో రాష్ట్ర ఎన్నికల చరిత్రలో రికార్డు సృష్టించింది. మొత్తం ఓట్లు 2,41,805 కాగా 2,25,192 ఓట్లు పోలయ్యాయి. పోస్టల్ ఓట్లు 686 వచ్చాయి. దీంతో 2018 ఎన్నికల రికార్డును మునుగోడు తిరగరాసింది. 2018లో మధిరలో అత్యధికంగా 91.65% పోలింగ్ నమోదైంది. ఆ తర్వాత 91.07% పోలింగ్‌తో మునుగోడు నిలిచింది. తాజాగా మళ్లీ మునుగోడే రికార్డులకెక్కింది.

    మధ్యాహ్నం వరకు 41.30శాతం పోలింగ్

    TS: మునుగోడులో ఓటెయ్యడానికి ఓటర్లు ఆసక్తి కనబరుస్తున్నారు. ఉదయం 7 గంటలకు ప్రారంభమైన పోలింగ్ మధ్యాహ్నం ఒంటి గంట వరకు 41.30శాతం నమోదైంది. కొన్ని చోట్ల ప్రజలు ఓటెయ్యడానికి నిరాకరిస్తుండటం పోలింగ్ శాతాన్ని తగ్గించే అవకాశం ఉంది. మరోవైపు, కొంపల్లి, చిన్నకోడూరు తదితర చోట్ల ఈవీఎంలు దాదాపు గంటసేపు మొరాయించినట్లు తెలుస్తోంది. అక్కడక్కడా చెదురుముదురు ఘటనలు మినహా పోలింగ్ ప్రశాంతంగా కొనసాగుతోంది. సాయంత్రం 6 వరకు పోలింగ్ జరగనుంది.

    మునుగోడు పోలింగ్: మర్రిగూడలో లాఠీ ఛార్జ్

    మునుగోడు అసెంబ్లీ నియోజక వర్గ ఉప ఎన్నికలో పోలింగ్ కొనసాగుతోంది. ఇప్పటివరకు పోలింగ్ 25.8శాతం నమోదైనట్లు అదికారులు తెలిపారు. ఉదయం నుంచి మందకొడిగా ప్రారంభమైన పోలింగ్ ఇప్పడిప్పుడే పెరుగుతోందని చెప్పారు. ఓటు హక్కు వినియోగించుకునేందుకు పోలింగ్ కేంద్రాల వద్ద ఓటర్లు బారులు తీరారు. అటు మర్రిగూడ మండల కేంద్రంలో ఉద్రిక్తత నెలకొంది. ఈవీఎంలు పనిచేయకపోవడంతో ఓటర్లు ఆందోళన చేపట్టారు. రంగంలోకి దిగిన పోలీసులు లాఠీఛార్జ్ చేసి ఆందోళన కారులను చెదరగొట్టారు.

    నేటి ముఖ్యాంశాలు @9AM

    త్వరలోనే ఐఫోన్‌లో 5జీ ట్రయల్స్ పెరిగిన బంగారం ధరలు సౌతాఫ్రికాతో నేడు పాకిస్థాన్ కీలక మ్యాచ్ ఇప్పుడు ఆనందంగా ఉన్నా: విరాట్ TS: మునుగోడులో పోలింగ్ ప్రారంభం TS: పాల్వాయి స్రవంతిపై ఫేక్ ప్రచారం AP: గ్రూప్ 1 దరఖాస్తుల గడువు పెంపు AP: టీడీపీ నేత అయ్యన్నపాత్రుడు అరెస్ట్