తమిళ్ స్టార్ హీరో విజయ్, రష్మిక మందన్నా జంటగా నటించిన ‘వారసుడు’ మూవీ ఓటీటీలోకి రానుంది. ఈ సినిమా డిజిటల్ రైట్స్‌ను అమెజాన్ ప్రైమ్ వీడియోస్ దక్కించుకుంది. ఈ నెల 22న ఈ మూవీ ఓటీటీలో స్ట్రీమింగ్ కానుందని తెలుస్తోంది. త్వరలోనే దీనిపై అమెజాన్ ప్రైమ్ అఫీషియల్‌గా ప్రకటించనుందని సమాచారం. కాగా ‘వారసుడు’ మూవీ జనవరి 14న సంక్రాంతి కానుకగా విడుదలైంది. ఫ్యామిలీ ఎంటర్‌టైనర్‌గా అందరినీ ఆకట్టుకుంది. ప్రపంచవ్యాప్తంగా రూ.210 కోట్ల కలెక్షన్లు రాబట్టింది.
నందమూరి కళ్యాణ్‌రామ్ హీరోగా నటించిన ‘అమిగోస్’ ట్రైలర్ ఆకట్టుకుంటోంది. ఈ చిత్రంలో కళ్యాణ్‌రామ్ మూడు విభిన్న పాత్రల్లో కనిపించనున్నారు. ముగ్గురు ఒకేలా ఉండే అపరిచితుల మధ్య జరిగే కథగా ‘అమిగోస్’ తెరకెక్కించారు. కానీ ఈ చిత్రంలో భారీ ట్విస్ట్ ఒకటి ఉందని సమాచారం. ఈ ముగ్గురిలో ఒకడి వల్ల మిగిలిన ఇద్దరికి ప్రాణాపాయం ఉంటుందని తెలుస్తోంది. ఒకరు పాబ్లో ఎస్కోబార్‌గా కనిపించనున్నారు. అంటే కరుడుగట్టిన నార్కో టెర్రరిస్ట్ అన్నమాట. అతడి చుట్టూ కథ తిరుగుతుందని టాక్.
దేశీయ వేరబుల్స్ అండ్ ఆడియో ప్రొడక్ట్స్ తయారీ సంస్థ ఫైర్ బోల్ట్ మరో సరికొత్త వాచ్ సృష్టించింది. కోబ్రా పేరుతో స్ట్రాంగెస్ట్ స్మార్ట్ వాచ్ తయారీ చేసింది. ఈ వాచ్‌లు ఫ్లిప్‌కార్ట్, ఫైర్ బోల్ట్.కామ్ వెబ్‌సైట్లలో దొరుకుతాయి. కోబ్రా స్మార్ట్ వాచ్ 1.78 అంగుళాల డిస్‌ప్లే, బ్లూటూత్ కాలింగ్, 123 స్పోర్ట్స్ మోడ్స్ వంటి ఫీచర్లతో సరికొత్తగా ఉంది. నాలుగు కలర్స్‌లో ఈ వాచ్ అందుబాటులో ఉంది. ఇది సింగిల్ ఛార్జ్‌పై రెండు వారాలు పనిచేస్తుంది. అలారం, ఫ్లాష్‌లైట్, హెల్త్ రిమైండర్ వంటి ఫీచర్లతో … Read more
కన్నడ స్టార్ హీరో శివరాజ్ కుమార్ నటించిన ‘వేద’ మూవీ ట్రైలర్ విడుదలైంది. ఈ చిత్ర ట్రైలర్ అందరినీ ఆకట్టుకుంటోంది. ముఖ్యంగా శివరాజ్ తన నటనతో అదరగొట్టాడు. రివేంజ్ యాక్షన్ థ్రిల్లర్‌గా ఈ మూవీని తెరకెక్కించినట్లు తెలుస్తోంది. కాగా ఈ సినిమాకు హర్ష దర్శకత్వం వహించాడు. శివరాజ్‌కు ఇది 125వ సినిమా. గీతా పిక్చర్స్ పేరుతో ఆయన భార్య గీతా శివరాజ్ కుమార్ ఈ చిత్రాన్ని నిర్మించారు. కన్నడలో సూపర్ హిట్‌గా నిలవడంతో తెలుగులో కూడా త్వరలో విడుదల చేయనున్నారు.
‘ధమాకా’ మూవీలోని ‘పల్సర్ బైక్’ ఫుల్ సాంగ్‌ను మూవీ మేకర్స్ రిలీజ్ చేశారు. ఈ పాటలో హీరోయిన్ శ్రీలీల ఎనర్జీ అదరహో అనిపిస్తోంది. తన అందం, అభినయంతో దుమ్మురేపింది. గాజువాక కండక్టర్ ఝాన్సీకి ఏమాత్రం తీసిపోకుండా డ్యాన్స్ వేసి ఆకట్టుకుంది.
దిగ్గజ ఆటో సంస్థ హ్యూందాయ్ మరో సరికొత్త కారును మార్కెట్‌లో ప్రవేశపెట్టింది. తాజాగా ‘ఆరా’ ఫేస్‌లిఫ్ట్ వర్షెన్‌ను లాంఛ్ చేసింది. మొత్తం 4 వేరియంట్లలో ఈ కారు లభిస్తోంది. స్టైలిష్ అల్లాయ్ వీల్స్, కాంపాక్ట్ సెడాన్ బ్లాక్ అవుట్ సి పిల్లర్, టైల్ లైట్స్, న్యూ ఎల్ఈడీ డేటైమ్ రన్నింగ్ ల్యాంప్స్, క్లాసీ సీట్స్, థెఫ్ట్ అలారం, ప్రెజర్ మానిటరింగ్ సిస్టమ్, ఆటోమేటిక్ హెడ్‌ల్యాంప్స్ వంటి ఫీచర్లతో ఈ కారు మార్కెట్లోకి వచ్చింది. దీని ప్రారంభ ఎక్స్ షోరూమ్ ధర రూ.6.29 లక్షలుగా ఉంది.
నందమూరి కళ్యాణ్‌రామ్ హీరోగా నటించిన ‘అమిగోస్’ మూవీ నుంచి ఫస్ట్ సాంగ్ రిలీజ్ అయింది. ‘యెకా.. యెకా’ సాంగ్‌ను మూవీ మేకర్స్ విడుదల చేశారు. ఫ్రెండ్‌షిప్ నేపథ్యంలో సాగిన ఈ సాంగ్ అందరినీ ఆకట్టుకుంటోంది. కాగా ఈ మూవీలో కళ్యాణ్‌రామ్ సరసన ఆషికా రంగనాథ్ హీరోయిన్‌గా నటించింది. ఈ చిత్రంలో కళ్యాణ్‌రామ్ త్రిపాత్రాభినయం చేశారు. ఈ సినిమాకు రాజేంద్ర రెడ్డి దర్శకత్వం వహించారు. ఫిబ్రవరి 10న ఈ మూవీ థియేటర్లలో విడుదల కానుంది.
సమంత ప్రధాన పాత్రలో నటించిన ‘శాకుంతలం’ మూవీ నుంచి ఫస్ట్ సింగిల్‌ను రిలీజ్ చేశారు. మల్లికా.. మల్లికా అంటూ సాగే ప్రేమగీతం అందరినీ ఆకట్టుకుంటోంది. ఈ పాటలో సమంత అందాలు ఆరబోసింది. సమంత నడుము సొగసు చూపిస్తూ అందాల దేవతలా కనిపిస్తోంది. ఇప్పటికే విడుదలైన ఈ చిత్ర ట్రైలర్ విశేషంగా అలరిస్తోంది. సమంతకు జోడీగా దేవ్ మోహన్ నటించారు. ఈ సినిమాకు గుణశేఖర్ దర్శకత్వం వహించారు. ఈ చిత్రం ఫిబ్రవరి 17న ప్రేక్షకుల ముందుకు రానుంది.
టాలీవుడ్ నటుడు దగ్గుబాటి రానా తమ్ముడు దగ్గుబాటి అభిరామ్ హీరోగా ‘అహింస’ మూవీ తెరకెక్కుతోంది. ఈ సినిమా ట్రైలర్‌ను గురువారం మూవీ మేకర్స్ రిలీజ్ చేశారు. ట్రైలర్‌ను బట్టి చూస్తే పల్లెటూరి నేపథ్యంలో రూపొందించినట్లు తెలుస్తోంది. ట్రైలర్‌లోని సన్నివేశాలు ప్రేక్షకులను ఆకట్టుకుంటున్నాయి. ఈ మూవీలో అభిరామ్ సరసన గీతికా తివారి నటిస్తోంది. సదా కీలక పాత్ర పోషిస్తోంది. ఈ చిత్రాన్ని డైరెక్టర్ తేజ తెరకెక్కిస్తున్నారు. ఆర్పీ పట్నాయక్ సంగీతం అందిస్తున్నారు.
మెగాస్టార్ చిరంజీవి హీరోగా, శృతిహాసన్ హీరోయిన్‌గా తెరకెక్కిన ‘వాల్తేరు వీరయ్య’ మూవీ నుంచి మరో సాంగ్‌ను మూవీ మేకర్స్ రిలీజ్ చేశారు. ‘నీకేమో అందమెక్కువ.. నాకేమో తొందరెక్కువ’ అనే లిరికల్ సాంగ్ విడుదలైంది. ఈ పాట ఫ్యాన్స్‌ను తెగ ఆకట్టుకుంటోంది. ఇప్పటికే విడుదలైన అన్ని పాటలు యూట్యూబ్ ట్రెండింగ్‌లో నిలిచాయి. కాగా ఈ మూవీని డైరెక్టర్ బాబీ రూపొందించారు. మైత్రీ మూవీ మేకర్స్ సంస్థ ఈ చిత్రాన్ని నిర్మించింది. ఈ నెల 12న ఈ మూవీ విడుదల కానుంది.
@2021 KTree