• Cricket
  • Lifestyle
  • Health
  • Relationships
  • People
  • Recommended
  • Technology
  • Apps
  • Gadgets
  • Tech News
  • Telugu Movies
  • Hot Actress
  • Movie News
  • Reviews
  • తెలంగాణలో పదోన్నతుల పండుగ

    తెలంగాణలో పదోన్నతుల జాతర ప్రారంభమైంది. ఎంతో కాలంగా ఎదురుచూస్తున్న ప్రమోషన్లు, ట్రాన్స్‌ఫర్ల ప్రక్రియ నేటి నుంచే ప్రారంభం కానుంది. ఈ నెల 30 వరకు బదిలీల కోసం ఆన్‌లైన్‌లో దరఖాస్తు చేసుకోవచ్చు. ఈ నెల 31 నుంచి వచ్చే నెల 2 వరకు హార్డ్ కాపీలు సమర్పించాలి. 3 నుంచి 6 వరకు అప్లికేషన్ల ఆమోద ప్రక్రియ ఉంటుంది. అనంతరం 7న హెడ్ మాస్టర్ల సీనియర్ జాబితా ప్రకటిస్తారు. 8 నుంచి 10 వరకు జాబితాలపై అభ్యంతరాలు స్వీకరిస్తారు. 14న బదిలీ ఉత్తర్వులు జారీ … Read more

    టీచర్ల స్పౌజ్‌ కేటగిరీ బదిలీలకు పచ్చజెండా

    ఉపాధ్యాయ దంపతులకు తెలంగాణ ప్రభుత్వం శుభవార్త చెప్పింది. పెండింగ్‌లో ఉన్న దరఖాస్తులను పరిష్కరించాలని ఉత్తర్వులు జారీ చేసింది. గతంలో 317 ప్రకారం కొత్త జిల్లాలకు అనుగుణంగా టీచర్లను కేటాయించారు. దీంతో భార్యభర్తలు వేర్వేరు జిల్లాలకు వెళ్లాల్సి వచ్చింది. తమను ఒకే చోటుకు బదిలీ చేయాలని కోరారు. దాదాపు 2 వేల మంది దరఖాస్తు చేసుకున్నారు. కేవలం 13 జిల్లాల్లోనే వారు మెుగ్గు చూపారు. వీటిని బ్లాక్ చేయగా సూర్యాపేట మినహా 12 జిల్లాలకు అవకాశం ఇచ్చింది.

    టీచర్ల బదిలీలు, పదోన్నతుల షెడ్యూల్

    తెలంగాణలో ఉపాధ్యాయుల బదిలీలు, పదోన్నతులకు సంబంధించి రాష్ట్ర ప్రభుత్వం షెడ్యూల్ విడుదల చేసింది. ఈ నెల 27వ తేదీ నుంచి పదోన్నతులు, బదిలీల ప్రక్రియను చేపట్టనుంది. అందుకు సంబంధించి 28 నుంచి 30 వరకు ఆన్‌లైన్‌లో దరఖాస్తులు స్వీకరించనున్నారు. మార్చి 4వ తేదీ నాటికి ప్రక్రియను పూర్తి చేస్తారు. మార్చి 5 నుంచి 19 వరకు అప్పీళ్లకు అవకాశం కల్పించారు. ఉపాధ్యాయుల నుంచి దరఖాస్తులు అందిన 15 రోజుల్లో అప్పీళ్లను పరిష్కరిస్తారు.

    రాష్ట్రంలోని ఉపాధ్యాయులకు గుడ్‌న్యూస్

    TS: రాష్ట్రంలోని ఉపాధ్యాయులకు ప్రభుత్వం గుడ్‌న్యూస్ చెప్పింది. పదోన్నతులు, బదిలీలకు గ్రీన్ సిగ్నల్ ఇచ్చింది. తద్వారా ఎస్జీటీలు స్కూల్ అసిస్టెంట్లుగా, స్కూల్ అసిస్టెంట్లు.. హెడ్ మాస్టర్‌లుగా పదోన్నతి పొందనున్నారు. మరోవైపు, కౌన్సెలింగ్ ద్వారా ట్రాన్స్‌ఫర్‌లు జరుగుతాయని ప్రభుత్వం తెలిపింది. ఇందుకు సంబంధించిన షెడ్యూలును త్వరలోనే విడుదల చేయనున్నారు. ఫిబ్రవరి 10 లోపు ఈ ప్రక్రియ పూర్తి చేయనున్నట్లు సమాచారం. ఈ నిర్ణయం అమలులోకి వస్తే రాష్ట్రవ్యాప్తంగా 9,266మంది ఉపాధ్యాయులు ప్రమోషన్ పొందనున్నారు.

    ‘టీచర్లకు ప్రమోషన్లు కల్పించండి’

    ప్రభుత్వ ఉపాధ్యాయులకు ప్రమోషన్లు కల్పించేలా చర్యలు తీసుకోవాలని ‘తపస్’ నేతలు తెలంగాణ గవర్నర్ తమిళిసైకి విజ్ణప్తి చేశారు. తెలంగాణ ప్రాంత ఉపాధ్యాయ సంఘం క్యాలెండర్‌ను గవర్నర్ ఆవిష్కరించారు. ఈ సందర్భంగా తెలంగాణలోని ఉపాధ్యాయులు, విద్యారంగ సమస్యలు పరిష్కరించాలని తమిళిసైని కోరారు. గవర్నర్‌ను కలిసిన వారిలో సంఘం అధ్యక్షుడు హన్మంతరావు, ప్రధాన కార్యదర్శి నవాత్ సురేష్, సూరం విష్ణువర్ధన్‌రెడ్డి, నరేందర్‌రావు, పెంటయ్య ఉన్నారు.

    ఉపాధ్యాయుల కోరిక మేరకే ఉత్తర్వులు

    AP: ఉపాధ్యాయుల కోరిక మేరకే వారిని బోధనయేతర విధుల నుంచి తొలగించినట్లు మంత్రి బొత్స సత్యనారాయణ స్పష్టం చేశారు. ఉపాధ్యాయుల సమస్యలను పరిష్కరించేందుకు ప్రభుత్వం సిద్ధంగా ఉందని పిలుపునిచ్చారు. ఇచ్చిన హామీలన్నీ సీఎం నెరవేరుస్తున్నారని మంత్రి తెలిపారు. ఎన్నికల్లో ఓడిపోతారనే కారణంతో ఉపాధ్యాయులను విధుల నుంచి తొలగించినట్లు ఆరోపిస్తున్న ప్రతిపక్షాలకు మంత్రి సమాధానమిచ్చారు. ‘ఓసారి వచ్చి ఉపాధ్యాయులను అడగండి. వారే బోధనేయతర విధుల నుంచి మినహాయించాలని రాష్ట్ర ప్రభుత్వాన్ని కోరారు’ అని మంత్రి తెలిపారు.

    ఏంది సారూ! ఎటు వెళ్తున్నారు?

    సమయ పాలన పాటించని ఉపాధ్యాయుల కోసం విద్యాశాఖ ABAS పేరుతో వేలిముద్ర ద్వారా హాజరుపాటిస్తున్న విషయం తెలిసిందే. అయితే అయినా కొందరు ఉపాధ్యాయులు ఆలస్యంగా రావడం, తొందరగా వెళ్లిపోవడం వంటివి చేస్తున్నారు. ఈ నేపథ్యంలో ఆదిలాబాద్ జిల్లాలో నవంబర్‌ 30న పాఠశాలకు ఆలస్యంగా వచ్చిన వారి వివరాలను కలెక్టర్‌ స్వయంగా పరిశీలించారు. ఏకంగా 581 మంది ఉపాధ్యాయులు లేటుగా వచ్చినట్లు గుర్తించి వారందరికీ మెమోలు జారీ చేయాలని ఆదేశించారు.

    ఎలక్షన్ డ్యూటీ నుంచి టీచర్లు ఔట్

    ఉపాధ్యాయులను ఎన్నికల విధులకు దూరంగా ఉంచాలని ఏపీ ప్రభుత్వం నిర్ణయించింది. ఏపీ ఉచిత, నిర్భంధ విద్య నియమాలు-2010కు సవరణ చేసింది. టీచర్లను బోధనేతర పనులకు ఉపయోగించవద్దని ప్రకటించింది. ప్రభుత్వ శాఖల్లోని సిబ్బంది అందరినీ వినియోగించిన తర్వాత అవసరం ఉందంటేనే ఉపాధ్యాయులను విధులకు పంపొచ్చు అని పేర్కొంది. కాగా ఎన్నికల విధులకు గ్రామ, వార్డు సచివాలయ సిబ్బందిని ఉపయోగించునేందుకే ఈ ఎత్తుగడ అని విమర్శలు వస్తున్నాయి.

    హరీశ్ వ్యాఖ్యలకు బొత్స కౌంటర్

    తెలంగాణ మంత్రి హరీశ్ రావు వ్యాఖ్యలపై బొత్స సత్యనారాయణ స్పందించారు. ఏపీలో ఉపాధ్యాయులపై కర్కశత్వం చూపిస్తోందన్న హరీశ్ వ్యాఖ్యలను బొత్స తిప్పికొట్టారు. ఏపీకి వచ్చి చూడాలని.. టీచర్లను ఎలా చూసుకుంటున్నామో తెలుస్తుందని ఆయన హితవు పలికారు. ‘టీచర్లు సంతోషంగా ఉన్నారు. బహుశా హరీశ్ ఏపీ గురించి మాట్లాడి ఉండకపోవచ్చు. వారు ఇక్కడికి వచ్చి చూస్తే టీచర్లను ఎలా చూసుకుంటున్నామో తెలిసిపోతుంది. ఏపీ, తెలంగాణ పీఆర్సీలలో తేడా చూడండి’ అని బొత్స పేర్కొన్నారు.

    ఆగస్టులో టీచర్ల బదిలీలు

    AP: ఆగస్టులో టీచర్ల బదిలీలు ఉంటాయని మంత్రి బొత్స తెలిపారు. ఐదేళ్లు పూర్తి చేసుకున్నవారికి తప్పనిసరి బదిలీ ఉంటుందని పేర్కొన్నారు. దీనిపై విధివిధానాలు రూపొందిస్తున్నట్లు పేర్కొన్నారు. విధివిధానాలు రూపొందాక సీఎం జగన్ దీనిపై నిర్ణయం తీసుకుంటారని చెప్పారు.

    Categories AP