నేడు కివీస్‌తో టీమిండియా ‘ఢీ’
ప్రపంచకప్‌లో నేడు మరో కీలక పోరు జరగనుంది. ఈ టోర్నీలో ఓటమి చవి చూడని భారత్ – న్యూజిలాండ్‌ జట్ల మధ్య ఆసక్తికర పోరు జరగనుంది. మధ్యాహ్నం 2.00 గం.లకు ధర్మశాల వేదికగా మ్యాచ్ నిర్వహించనున్నారు. పిచ్‌ పేసర్లకు అనుకూలంగా ఉంటుందని సమాచారం. గాయం కారణంగా హార్ధిక్‌ ఈ మ్యాచ్‌కు దూరం కానున్నాడు. దీంతో అతడి స్థానాన్ని బ్యాటర్‌తో భర్తీ చేయాలనుకుంటే సూర్య కూమార్‌ యాదవ్‌ లేదా బౌలర్‌ ఆప్షన్‌ కింద షమీని తీసుకోవచ్చు. పిచ్‌ బౌలర్లు, బ్యాటర్లకు సమతూకంగా ఉంటుందని క్యూరేటర్లు చెబుతున్నారు.
