• Cricket
  • Lifestyle
  • Health
  • Relationships
  • People
  • Recommended
  • Technology
  • Apps
  • Gadgets
  • Tech News
  • Telugu Movies
  • Hot Actress
  • Movie News
  • Reviews
  • వాగులో దూకిన నిందితుడు; పోలీసుల నుంచి తప్పించుకుని?

    పోలీసు జీపులోంచి ఓ నిందితుడు వాగులో దూకి పరారయ్యాడు. ఈ ఘటన ఏపీలోని నెల్లూరు జిల్లా సంగంలో చోటుచేసుకుంది. ఓ దొంగతనం కేసులో ఎ.గిరి అనే వ్యక్తిని సీసీఎస్ పోలీసులు అదుపులోకి తీసుకున్నారు. విచారణ నిమిత్తం ఏఎస్ పేట నుంచి నెల్లూరు తరలిస్తుండగా బీరాపేరు వాగు పెన్నా నదిలో కలిసే చోట వాహనంలోంచి కిందికి దూకాడు. వెంటనే బీరాపేరు వాగులోకి దూకి పారిపోయాడు. కానీ ఇంతవరకు అతడి ఆచూకీ దొరకలేదు. పరారయ్యాడా..నీటిలో మునిగి చనిపోయాడా అనేది తేలలేదు.

    టీడీపీ నేతపై కాల్పులు; రాజస్థాన్‌లో గన్ కొని..

    టీడీపీ నేత బాలకోటిరెడ్డిపై కాల్పుల కేసులో పోలీసులు కీలక పురోగతి సాధించారు. కోటిరెడ్డిపై అతడి ప్రత్యర్థి వెంకటేశ్వరరెడ్డి కాల్పులు జరిపించినట్లు పోలీసులు తేల్చారు. వీరిద్దరికీ ఉన్న ఆర్థిక లావాదేవీలే కారణమని జిల్లా ఎస్పీ రవిశంకర్ రెడ్డి తెలిపారు. కోటిరెడ్డిని చంపడానికి రూ.4.50 లక్షల డీల్ కుదిరిందని చెప్పారు. ఇందులో భాగంగా రూ.60 వేలు పెట్టి రాజస్థాన్‌లో గన్ కొన్నారు. అనంతరం కోటిరెడ్డిపై కాల్పులు జరిపారు. ఈ ఘటనలో మొత్తం నలుగురిని అరెస్ట్ చేశారు.

    ఒడిశా మంత్రి హత్య; నిందితుడు మానసిక రోగి?

    ఒడిశా ఆరోగ్యశాఖ మంత్రి నబ కిశోర్ దాస్‌పై కాల్పులకు తెగబడ్డ ఏఎస్ఐ గోపాల్ దాస్ ఒక మానసిక రోగి అని తేలింది. అతడికి బైపోలార్ డిజార్డర్ వ్యాధి ఉందని.. ఇందుకు ప్రతిరోజూ మందులు వాడుతున్నట్లు తెలుస్తోంది. గోపాల్ ఏడాదిగా ఆ మందులు వేసుకోవడం లేదని.. సైకియాట్రిస్ట్ దగ్గర చికిత్స తీసుకుంటున్నట్లు తెలిసింది. కాగా మంత్రి కిశోర్‌పై గోపాల్ తన సర్వీస్ రివాల్వర్‌తో కాల్పులు జరిపిన సంగతి తెలిసిందే. బుల్లెట్ ఛాతిలో నుంచి దూసుకెళ్లడంతో మంత్రి మరణించిన సంగతి తెలిసిందే.

    రూ.2లతోనే రోజు గడిపెయ్యాలి..!

    TS: సాధారణంగా రోజుకు టీ, టిఫిన్, మీల్స్, రాత్రి భోజనానికి కలిపి తక్కువలో తక్కువగా రూ.100 అవుతుంది. అయితే, నేరారోపణలపై అదుపులోకి తీసుకునే నిందితులకు ప్రభుత్వం చెల్లిస్తున్నది కేవలం 2 రుపాయలే. టీ, టిఫిన్, మీల్స్, రాత్రి భోజనానికి కలిపి ఇంతకన్నా ఎక్కువ వెచ్చించకూడదని ప్రభుత్వ ఆదేశం. నిజాం కాలం నాటి ఈ వ్యయ పరిమితిని ఇప్పటికీ అలాగే కొనసాగిస్తుండటం గమనార్హం. ఈ మొత్తాన్ని పెంచే దిశగా ప్రభుత్వాలు చర్యలు చేపట్టకపోవడం గమనార్హం. నిందితుల కన్నా ఖైదీలకు వెచ్చించే మొత్తం ఎక్కువగా ఉండటం గమనార్హం. … Read more

    ప్రాణం తీసిన వివాహేతర సంబంధం

    వివాహేతర సంబంధం ఓ నిండు ప్రాణాన్ని బలిగొంది. ఏపీలోని చిత్తూరుకు చెందిన వడివేలు, సెల్విరాణి(26) భార్యాభర్తలు. ఈ క్రమంలో సెల్వికి వినయ్ అనే యువకుడితో వివాహేతర సంబంధం ఏర్పడింది. ఈ విషయం వడివేలుకు తెలిసి సెల్విరాణిని కొట్టాడు. ఈ విషయం తెలుసుకున్న వినయ్‌.. వడివేలును చంపాలని నిర్ణయించుకున్నాడు. కిరాయి హంతకులతో డీల్ కుదుర్చుకున్నాడు. వీరందరూ కలసి వడివేలుకు మద్యం తాపి సీతమ్స్ బైపాస్ వద్ద హత్య చేశారు.

    గోళ్లతో రక్కారు.. కొరికారు; కిడ్నాపైన యువతి

    నవీన్ రెడ్డి తనను చిత్రహింసలకు గురిచేశాడని కిడ్నాపైన వైశాలి మీడియాకు తెలిపారు. ‘‘ నన్ను కిడ్నాప్ చేసిన తర్వాత కారులో నవీన్ చిత్రహింసలు పెట్టాడు. జుట్టు పట్టకుని ముఖంపై ఇష్టం వచ్చినట్లు కొట్టాడు. నా పట్ల చాలా దారుణంగా ప్రవర్తించాడు. నాకు దక్కకుంటే.. ఎవ్వరీకి దక్కనివ్వను అంటున్నాడు. గోళ్లతో రక్కారు.. కొరికారు. మా నాన్నను చంపేస్తానని బెదిరించాడు.’’ అంటూ బాధిత యువతి ఆవేదన వ్యక్తం చేసింది. కాగా పోలీసులు నవీన్ చెరలో నుంచి వైశాలిని కాపాడి ఆమె తల్లిదండ్రులకు అప్పగించారు.

    యువతి కిడ్నాప్ కేసులో ట్విస్ట్; దాడికి ముందు మద్యం పార్టీ

    హైదరాబాద్‌లోని ఆదిభట్లలో జరిగిన వైశాలి కిడ్నాప్‌ కేసులో మరో ట్విస్ట్ చోటుచేసుకుంది. నిందితుడు నవీన్ రెడ్డి దాడికి ముందు ప్లాన్ ప్రకారమే 50 మందికి మద్యం పార్టీ ఏర్పాటు చేశాడు. తన ఆఫీస్ సిబ్బంది, స్నేహితులు, బిహారీలను తన ఆఫీస్‌కు పిలిపించుకుని మద్యం పార్టీ ఇచ్చాడు. మద్యం మత్తులో ఉన్న వారందరినీ కార్లలో తీసుకుని వైశాలి ఇంటికి చేరుకుని దాడికి దిగారు. కాగా ఈ కేసుకు సంబంధించి ఇప్పటివరకు 32 మందిని అరెస్ట్ చేశారు. ప్రధాన నిందితుడు నవీన్ పరారీలోనే ఉన్నాడు.

    మాజీ ఎంపీపీని నరికిన కేసులో నిందితుడు అరెస్ట్

    ఏపీలోని తుని మాజీ ఎంపీపీ, టీడీపీ నాయకుడు పొల్నాటి శేషగిరిరావుపై కత్తితో దాడి చేసిన నిందితుడిని పోలీసులు అరెస్ట్ చేశారు. విశాఖపట్నానికి చెందిన చంద్రశేఖర్.. అదే ప్రాంతానికి చెందిన అభిరామ్‌కు శిష్యుడు. శేషగిరిరావు తన గురువు అభిరామ్‌ను ఇబ్బందులు పెడుతుండటంతో అతడిపై దాడి చేయాలని ప్లాన్ వేశాడు. భవానీ మాల వేషధారణలో శేషగిరిరావు ఇంటికి వచ్చి ఆయనపై కత్తితో దాడి చేసి పారిపోయాడు. తాజాగా చంద్రశేఖర్ తుని పట్టణ పోలీస్‌ స్టేషన్‌లో లొంగిపోయాడు.

    ఆవేశం పట్టలేకే శ్రద్ధాను చంపా; ఆఫ్తాబ్

    క్షణికావేశంలోనే తన ప్రియురాలు శ్రద్ధా వాకర్‌ను హతమార్చినట్లు నిందితుడు ఆఫ్తాబ్ ఆమీన్ పూనావాలా న్యాయస్థానం ముందు అంగీకరించాడు. ఈ కేసులో ఆఫ్తాబ్ కస్టడీ ముగియడంతో వీడియో కాన్ఫరెన్స్ ద్వారా సాకేత్ కోర్టు ముందు హాజరుపర్చారు. కోర్టు ఎదుట ‘‘ శ్రద్ధాను హత్య చేసింది నేనే. క్షణికావేశంలోనే ఆమెను హత్య చేశాను. ఆ రోజు ఏం జరిగిందో నాకు సరిగా గుర్తు రావడం లేదు. నేను చెప్పేవన్నీ నిజాలే’’ అంటూ తెలిపాడు. దీంతో కోర్టు అతడి కస్టడీని మరో నాలుగు రోజులు పాటు పొడిగించింది.

    బ్యాగ్‌తో ఆఫ్తాబ్; సీసీటీవీ ఫుటేజ్ వైరల్

    శ్రద్ధా వాకర్ మర్డర్ కేసు నిందితుడు ఆఫ్తాబ్ అమీన్ పూనావాలకు చెందిన ఓ సీసీటీవీ ఫుటేజ్ బయటికొచ్చింది.[ వీడియో](url)లో ఆఫ్తాబ్ బ్యాగ్ తగిలించుకుని ఓ వీధిలో తెల్లవారుజామున 4.01 గంటలకు నడుచుకుంటూ వెళ్తున్నాడు. ఆ వీధి సమీప అటవీ ప్రాంతానికి వెళ్లే మార్గమని తెలుస్తోంది. ఈ వీడియో అక్టోబర్ 18న రికార్డ్ అయినట్లు సమాచారం. కాగా శ్రద్ధా శరీర భాగాలను పారేసేందుకు ఆఫ్తాబ్ ఈ బ్యాగ్‌ను ఉపయోగించుకున్నట్లు అనుమానిస్తున్నారు. బ్యాగ్ వేసుకుని అక్కడే రెండు మూడు రౌండ్లు వేసినట్లు గుర్తించారు. CCTV footage of … Read more