అక్రమాలపై ప్రశ్నిస్తే కోవర్టు అంటారా?: పురందేశ్వరి
ఏపీ ప్రభుత్వంపై ఆ రాష్ట్రం బీజేపీ అధ్యక్షురాలు పురందేశ్వరి ఫైరయ్యారు. వైసీపీ అవినీతి, అక్రమాలను ప్రశ్నిస్తే టీడీపీ కోవర్టు అంటారా అని ఆగ్రహం వ్యక్తం చేశారు. వైఫల్యాలను ప్రశ్నిస్తే గొంతు నొక్కుతారా అని మండిపడ్డారు. రాష్ట్రంలో జరుగుతున్న అక్రమాలపై కేంద్రానికి ఫిర్యాదు చేశామని చెప్పారు. కేంద్రం పథకాలకు వైసీపీ పేర్లు పెట్టుకోవడం సిగ్గుచేటన్నారు. రాష్ట్రంలో బీజేపీ, జనసేన మధ్య పొత్తు కొనసాగుతుందన్నారు. పొత్తు లేకుంటే 175 స్థానాలకు బీజేపీ పోటీలో ఉంటుందని పురందేశ్వరి పేర్కొన్నారు.
