ఆంధ్రప్రదేశ్ లో దక్షిణ కోస్తాంధ్ర, రాయలసీమలోని పలు జిల్లాల్లో వర్షాలు కురుస్తూనే ఉన్నాయి. తుపాను తీరం దాటి మూడ్రోజులవుతున్నా గాలిలోని తేమ కారణంగా ఇంకా వానలు పడుతున్నాయి. నెల్లూరు, తిరుపతి, ఒంగోలు , వైఎస్సార్, గుంటూరు, శ్రీ సత్యసాయి జిల్లాల్లో 90-95 శాతం తేమ ఉంది. దీంతో మరో రెండ్రోజులు కొనసాగనున్నాయి. తెలంగాణలోని పలు జిల్లాలతో పాటు హైదరాబాద్ లోనూ ముసురు పడుతోంది. రెండ్రోజుల పాటు అక్కడక్కడ తేలికపాటి వానలు కురుస్తాయి.

దక్షిణ కోస్తా, రాయలసీమ ప్రాంతాల్లో ఈ నెల 19 నుంచి వర్షాలు కురిసే అవకాశం ఉందని వాతావరణ శాఖ వెల్లడించింది. 18న భారీగా ఈదురుగాలులు వీస్తాయని చెప్పింది. మత్స్యకారులు సముద్రంలో చేపలవేటకు వెళ్లొద్దని సూచించింది. దక్షిణ అండమాన్ పరిసర ప్రాంతాల్లోఉపరితల ఆవర్తనం కొనసాగుతోందని..దీని ప్రభావంతో అల్పపీడనం ఏర్పడే అవకాశం ఉందని పేర్కొంది. అల్పపీడనం బంగాళఖాతంలో వాయుగుండంగా మారి వానలు కురుస్తాయని వివరించింది.

హిందూ మహాసముద్రంపై ఉపరితల ఆవర్తనం కారణంగా బంగాళాఖాతంలో అల్పపీడనం ఏర్పడనుంది వాతావరణ శాఖ ప్రకటించింది. ఈ అల్పపీడనం 11 తేదీ వరకు తమిళనాడు, పుదుచ్చేరి తీరంవైపు కదులుతుందని తెలిపింది. దీని ప్రభావంతో ఈ నెల 11, 12 తేదీల్లో దక్షిణ కోస్తా, రాయలసీమ జిల్లాల్లో తేలికపాటి నుంచి మోస్తరు వానలు, ఒకట్రెండు చోట్ల భారీ నుంచి అతి భారీ వర్షాలు కురుస్తాయని వివరించింది. మత్స్యకారులు సముద్రంలో చేపల వేటకు వెళ్లవద్దని హెచ్చరించింది.

దక్షిణ కోస్తాలో అక్కడక్కడ తేలికపాటి నుంచి మోస్తరు వర్షాలు కురిసే అవకాశం ఉందని వాతావరణ శాఖ తెలిపింది. ఉపరితల ఆవర్తనాలు, అల్ప పీడనాలు లేకపోయినప్పటికీ… వర్షాలు పడతాయని వెల్లడించింది. రాష్ట్రంలోని వివిధ ప్రాంతాల్లో తేలికపాటి జల్లులు కురుస్తాయని పేర్కొంది. సోమ, మంగళ వారాల్లో పొడి వాతావరణం ఉంటుందని వివరించింది. ప్రస్తుతం ఈశాన్య, తూర్పు గాలులు వీస్తున్నాయని వాతావరణ శాఖ స్పష్టం చేసింది. శనివారం మార్కాపురంలో 2.6 మి.మీ వర్షపాతం నమోదయ్యింది.