తెలంగాణలో మరో నాలుగు రోజులపాటు భారీ వర్షాలు కురవనున్నట్లు వాతావరణ శాఖ తెలిపింది. గంటకు 30-40 కిలోమీటర్ల వేగంతో ఈదురు గాలులు వీస్తాయని వెల్లడించింది. వడగండ్ల వాన కూడా కురిసే అవకాశం ఉందని హెచ్చరించింది. శని ఆదివారాల్లో హైదరాబాద్‌తో పాటు.. నల్గొండ, సూర్యపేట, ఖమ్మం, వరంగల్, వికారాబాద్, కరీంనగర్‌ జిల్లాల్లో భారీ వర్షాలు కురుస్తాయని అంచనా వేసింది. పిడుగులు పడే అవకాశం దృష్ట్యా.. వర్షం కురుస్తున్నప్పుడు చెట్ల కింద నిల్చోరాదని సూచించింది.
