రాకేష్‌ మాస్టర్‌ పార్ధీవ దేహాన్ని చూసి ఆయన శిష్యుడు, స్టార్‌ కొరియోగ్రాఫ్‌ శేఖర్‌ మాస్టర్‌ కన్నీరు పెట్టుకున్నారు. గురువు పార్థీవ దేహానికి నమస్కారం చేస్తూ బోరున విలపించాడు. తీవ్ర ఆవేదనతో తన గురువుకు కన్నీటి వీడ్కోలు పలికాడు. శేఖర్‌ మాస్టర్‌ రాకతో ఆ ప్రాంతమంతా భావోద్వేగంగా మారిపోయింది. రాకేష్‌ మాస్టర్‌ దగ్గరే శేఖర్‌ మాస్టర్‌ డ్యాన్స్‌ మెళుకువలు నేర్చుకున్నాడు. అయితే వారి మధ్య తీవ్ర మనస్పర్థలు తలెత్తాయి. ఈ నేపథ్యంలో తన గురువును కడసారి చూసేందుకు శేఖర్‌ మాస్టర్‌ వస్తారో లేదోనని అంతా భావించారు.