ఉమ్మడి ఖమ్మం జిల్లాలో బీఆర్ఎస్ పార్టీలో అంతర్గత విభేధాలు తారాస్థాయికి చేరాయి. పార్టీలోని ఓ కీలక నేతపై సత్తుపల్లి ఎమ్మెల్యే సండ్ర వెంకట వీరయ్య సంచలన వ్యాఖ్యలు చేశారు. టీడీపీలో ఉండగా ఒకలా ఇబ్బంది పెట్టారని, ఇప్పుడు బీఆర్ఎస్‌లో మరోలా తనను ఇబ్బందులకు గురి చేస్తున్నారని వాపోయారు. తనపై నియోజకవర్గంలో దుష్ప్రచారం చేస్తున్నారని ఆరోపించారు. తాను టీడీపీలో మంత్రి పదవులు అనుభవించి పార్టీ మారలేదని, కార్యకర్తగానే టీడీపీని చివరిదాకా బతికించేందుకు పోరాడనన్నారు.