ఇంగ్లండ్‌ జట్టుపై టీమిండియా మాజీ క్రికెటర్ గౌతమ్ గంభీర్ విమర్శల చేశారు. జట్టులో చాలా మంది ఆటగాళ్లు తమ పరువు కోసం ఆడుతున్నారని అభిప్రాయపడ్డారు. జో రూట్ అవుట్ అయిన తర్వాత చాలా చెత్త షాట్లు ఆడి వికెట్‌ను పారేసుకున్నారని తెలిపారు. శ్రీలంక మాత్రం అద్భుతంగా బౌలింగ్‌ చేసింది. అందుకే వారు విజయం సాధించారు” అని స్టార్‌ స్పోర్ట్స్‌ షోలో గంభీర్ పేర్కొన్నాడు.
ప్రపంచకప్‌లో విరాట్ కోహ్లీ ఆహార నియమాల గురించి ఆయన బస చేసిన హోటల్‌ చెఫ్‌ అనుష్మాన్‌ బాలి వెల్లడించాడు. విరాట్ శాఖాహారి కాబట్టి ఉడకబెట్టిన పదార్థాలను ఎక్కువగా తీసుకుంటున్నట్లు తెలిపారు. ‘విరాట్ ఆవిరితో ఉడికించిన ఆహార పదార్థాలు తీసుకుంటున్నారు. డిమ్‌ సమ్స్‌, సోయా, మాక్‌ మీట్‌, టోఫూ, లీన్‌ వంటి ప్రోటీన్‌ ఆధారిత ఆహారాన్ని ఫుడ్‌ మెనూగా ఎంచుకుంటున్నారు’ అని చెప్పారు. అటు చాలా మంది ఆటగాళ్లు అధిక ప్రోటీన్‌లు ఉన్న ఆహారాన్ని తీసుకుంటున్నట్లు బాలి వెల్లడించారు.
టీమిండియా మాజీ కోచ్‌ గ్రెగ్‌ ఛాపెల్‌ ఆర్థిక ఇబ్బందులు ఎదుర్కొంటున్నారు. దీంతో ఆదుకునేందుకు ఆయన స్నేహితులు ముందుకు వచ్చారు. ఆన్‌లైన్‌లో విరాళాల సేకరణ చేపట్టారు. ఈ విషయాన్ని ఛాపెల్‌ స్వయంగా ధృవీకరించారు. మెల్‌బోర్న్‌ క్రికెట్ గ్రౌండ్‌లో సమావేశమైన ఛాపెల్‌ స్నేహితులు ‘గో ఫండ్‌ మీ’ ద్వారా విరాళల సేకరణ చేపట్టారు. ఇందుకు అయిష్టంగానే ఛాపెల్‌ అంగీకరించినట్లు సమాచారం. అయితే తాను ఆర్థికంగా అంత దారుణంగా ఏమీ దెబ్బతినలేదని ఛాపెల్‌ తెలిపారు.
వరల్డ్‌కప్‌ తర్వాత ఆసీస్‌తో జరిగే టీ20 సిరీస్‌కు టీమ్‌ఇండియా కోచ్‌గా V.V.S లక్ష్మణ్‌ వ్యవహిరించనున్నట్లు తెలుస్తోంది. ప్రస్తుత కోచ్‌ ద్రవిడ్ పదవికాలం వరల్డ్‌కప్‌తో ముగియనుంది. నిబంధనల ప్రకారం చీఫ్‌ కోచ్‌ పదవి కోసం బీసీసీఐ దరఖాస్తుల్ని ఆహ్వానిస్తుంది. అయితే తీవ్ర ఒత్తిడితో కూడుకున్న చీఫ్‌ కోచ్‌ పదవికి 51 ఏళ్ల ద్రవిడ్ మళ్లీ దరఖాస్తు చేస్తారా? లేదా? అన్నది ప్రశ్నార్థకమే. ఈ నేపథ్యంలోనే లక్ష్మణ్‌ ఆసీస్‌తో సిరీస్‌కు కోచ్‌గా వ్యవహరించే ఛాన్స్ ఉన్నట్లు క్రికెట్ వర్గాలు భావిస్తున్నాయి.
ప్రతిక్షణం మరింత మెరుగయ్యేందుకు ప్రయత్నిస్తుంటానని భారత స్టార్‌ బ్యాటర్‌ విరాట్ కోహ్లి అన్నాడు. అందుకోసం నిరంతరం శ్రమిస్తుంటానని తెలిపాడు. ‘ప్రదర్శన మాత్రమే లక్ష్యమైతే కొంతకాలం తర్వాత సంతృప్తి చెందొచ్చు. ఆటపై పనిచేయడం మానేయొచ్చు. కానీ నేను ఎప్పుడూ నైపుణ్యం మెరుగుపరుచుకోడానికే ప్రయత్నిస్తుంటా. దానికి హద్దు లేదన్నది నా నమ్మకం. కాబట్టే సుదీర్ఘ కాలం ఆడుతూ ఉత్తమ ప్రదర్శనలు ఇవ్వగలుగుతున్నా’ అని కోహ్లి పేర్కొన్నాడు. కాగా, ప్రస్తుత వరల్డ్‌కప్‌లో కోహ్లీ 118 సగటుతో 354 పరుగులు చేశాడు.
న్యూజిలాండ్‌తో జరిగిన మ్యాచ్‌లో టీమిండియా కెప్టెన్ రోహిత్ శర్మ ఓ అరుదైన ఘనతను నమోదు చేశాడు. కివీస్‌తో మ్యాచ్‌లో హిట్‌మ్యాన్ .4 ఫోర్లు, 4 సిక్స్‌లు కొట్టాడు. ఈ క్రమంలో అంతర్జాతీయ వన్డేల్లో ఒక క్యాలెండర్ ఇయర్‌లో 50 లేదా అంతకంటే ఎక్కువ సిక్స్‌లు కొట్టిన ఆటగాడిగా రోహిత్ నిలిచాడు. రోహిత్ ఈ ఏడాదిలో ఇప్పటివరకు 53 సిక్స్‌లు కొట్టాడు. ఈ ఘనత సాధించిన జాబితాలో రోహిత్ మూడో స్ధానంలో నిలిచాడు. అతనికంటే ముందు ఏబీ డివిలియర్స్‌(58 సిక్స్‌లు) తొలి స్ధానంలో ఉండగా.. క్రిస్‌ … Read more
టీమిండియా క్రికెటర్ కోహ్లీపై మాజీ ఆల్‌రౌండర్ యువరాజ్ సింగ్ ప్రశంసలు కురిపించాడు. కివీస్‌తో మ్యాచ్‌లో కోహ్లీ అద్భత ఇన్నింగ్స్ ఆడాడంటూ కొనియాడాడు. ‘అతడు సంచరీ చేయకపోయినా అంతకంటే విలువైన ఇన్నింగ్స్ ఆడాడు. తీవ్ర ఒత్తిడిని అధిగమించి ఇలాంటి ఆటతీరును ప్రదర్శించడం అద్భుతం అందుకే నువ్వు G.O.A.T (గ్రేటెస్ట్ ఆఫ్ ఆల్‌టైమ్) కోహ్లీతో పాటు రవీంద్ర జడేజా మంచి భాగస్వామ్యం అందించాడు. చివరి వరకు గ్రీజ్‌లో ఉండి జట్టును గెలిపించాడు. షమీ సూపర్ స్పెల్‌తో అదరగొట్టాడు’. అని యువీ చెప్పుకొచ్చాడు.
బంగ్లాదేశ్‌ మ్యాచ్‌లో గాయం కారణంగా టీమిండియా ఆల్‌రౌండర్ హార్థిక్ పాండ్యా రేపటి మ్యాచ్‌కు దూరమయ్యాడు. ఈ నేపథ్యంలో అతడి స్థానంలో ఎవరిని ఆడించాలన్న దానిపై బీసీసీఐకు తల నొప్పిగా మారింది. తాజాగా ఇదే విషయంలో భారత మాజీ స్పిన్నర్ హర్భజన్ సింగ్ తన అభిప్రాయాన్ని వెల్లడించాడు. ధర్మశాలలో బంతి ఎక్కువ స్వింగ్ అయ్యే అవకాశం ఉంది. అందుకే ఫేసర్ మహ్మద్ షమీని జట్టులోకి తీసుకోవడం మంచిది. అదే విధంగా హార్థిక్ స్థానంలో సూర్యకుమార్‌కు అవకాశం ఇవ్వడం మంచిది’. అని హర్భజన్ సలహా ఇచ్చాడు.
ప్రపంచకప్‌ 2023లో భాగంగా బంగ్లాదేశ్‌తో జరిగిన మ్యాచ్‌లో టీమ్‌ఇండియా స్టార్‌ బ్యాటర్‌ విరాట్ కోహ్లీ అదరగొట్టాడు. సెంచరీతో ప్రత్యర్థి బౌలర్లను ఉతికారేశాడు. గురువారం (అక్టోబర్‌ 19) జరిగిన ఈ మ్యాచ్‌లో కోహ్లీ 97 బంతుల్లో 103 పరుగులు చేసి అజేయంగా నిలిచాడు. ఈ సెంచరీతో కోహ్లీ వన్డేల్లో తన 48వ శతకాన్ని నమోదు చేశాడు. సచిన్‌ పేరిట ఉన్న వన్డే శతకాల రికార్డు (49)కు కోహ్లీ మరింత చేరువయ్యాడు. ఇంకో రెండు సెంచరీలు చేస్తే విరాట్ వన్డేల్లో అత్యధిక శతకాలు బాదిన తొలి ఆటగాడిగా … Read more
టీమిండిమా కెప్టెన్ రోహిత్ శర్మ ఓవర్ స్పీడుతో కారు నడిపాడని వస్తున్న వార్తలపై హైవే పోలీసులు స్పందించారు. రోహిత్ గంటకు 215 కి. మీ స్పీడుతో నడిపాడని వచ్చిన ప్రచారంలో నిజం లేదన్నారు. అతడు గంటకు 105 నుంచి 117 కి, మీ వేగంతోనే ప్రయాణించాడని తెలిపారు. దీంతో రోహిత్‌కు రూ.2000 చెప్పున రెండు సార్లు ఫైన్ విధించామని పేర్కొన్నారు. ఈ మొత్తాన్ని రోహిత్ చెల్లించాడని చెప్పారు. హైవేపై కేవలం 100 కి, మీ వేగంతోనే ప్రయాణించాలని పోలీసులు వివరించారు.
@2021 KTree