బంగారానికి భారీగా పెరిగిన డిమాండ్‌

ఈ ఏడాది జూలై–సెప్టెంబర్‌ కాలం బంగారం కొనుగోళ్లు 10 శాతం పెరిగి 191.7 టన్నుల నుంచి 210.2 టన్నులకు చేరింది. ధరలు కొంత తగ్గడం, పండుగల డిమాండ్‌ దీనికి కారణమని నివేదికలు పేర్కొంటున్నాయి. 10 గ్రాముల ధర రూ.60,000 వరకూ ఉండటం ఆమోదయోగ్యమైనదిగా వినియోగదారులు భావిస్తున్నారు. సెప్టెంబర్‌ త్రైమాసికంలో ఆభరణాల డిమాండ్‌ 7 శాతం పెరిగి 146.2 టన్నుల నుంచి 155.7 టన్నులకు చేరింది. గత ఏడాది ఇదే కాలంతో పోల్చితే 184.5 టన్నుల నుంచి 220 టన్నులకు పెరిగింది.