నా హత్యకు కుట్ర జరుగుతోంది: CBN
AP: ఏసీబీ కోర్టు జడ్జికి తెదేపా అధినేత చంద్రబాబు లేఖ రాశారు. తనను అంతమొందించేందుకు వామపక్ష తీవ్రవాదులు కుట్ర పన్నుతున్నారని ఆరోపించారు. ‘కుట్రపై తూర్పు గోదావరి జిల్లా ఎస్పీకి లేఖ కూడా వచ్చింది. దీనిపై పోలీసు అధికారులు ఎలాంటి విచారణ చేపట్టలేదు. నేను జైలుకు వచ్చినప్పుడు అనధికారికంగా వీడియోలు, ఫొటోలు తీశారు. నా ప్రతిష్ఠను దెబ్బతీసేందుకే ఈ తరహా వీడియో ఫుటేజ్‌ రిలీజ్‌ చేశారు. నా భద్రత, ఆరోగ్యంపై అనుమానాలు ఉన్నాయి’ అని ఆందోళన వ్యక్తం చేస్తూ మూడు పేజీల లేఖను చంద్రబాబు రాశారు.
