చంద్రబాబు రిమాండ్ పొడిగింపు

స్కిల్ డెవలప్‌మెంట్ కేసులో చంద్రబాబు రిమాండ్‌ను ఏసీబీ కోర్టు పొడిగించింది. నవంబర్ 1 వరకు చంద్రబాబు రిమాండ్ పొడిగిస్తూ కోర్టు ఉత్తర్వులు జారీ చేసింది. అయితే తనకు సెక్యూరిటీ విషయంలో అనుమానాలు ఉన్నాయని జడ్జికి చంద్రబాబు తెలిపారు. తనకు జెడ్‌ ప్లస్ సెక్యూరిటీ ఉందని.. జైలు లోపల బయట భద్రతా పరమైన అనుమానాలున్నట్లు వెల్లడించారు. ఆరోగ్యం కూడా సరిగా ఉండటం లేదని విన్నవించారు. ఎలాంటి అనుమానాలు ఉన్నా రాతపూర్వకంగా న్యాయస్థానానికి తెలియజేయాలని జడ్జి సూచించారు. చంద్రబాబు లేఖను సీల్డ్ కవర్‌లో తనకు అందించాలని అధికారులను ఆదేశించారు.