భారత యువ పేసర్ ఉమ్రాన్ మాలిక్‌కు వరల్డ్‌ కప్‌కు ఎంపిక చేసే అవకాశం ఉంటుందని టీమిండియా మాజీ కోచ్ రవిశాస్త్రి తెలిపారు. “ అతడికి టీ20ల కంటే వన్డే మ్యాచ్‌లు ఎక్కువగా ఆడే అవకాశం వస్తుందని అనుకుంటున్నాను. ఉమ్రాన్ రేసులో ఉంటాడని భావిస్తున్నాను. ఎందుకంటే జట్టు సభ్యుల్లో ఎప్పుడైనా గాయాలు కావచ్చు. ఆటగాళ్ల ఫిట్నెస్ చాలా ముఖ్యం. అందువల్లే ఐపీఎల్ అనేది ప్రపంచకప్‌కు ముందు కీలకం కానుంది” అన్నారు. స్పీడ్‌గన్‌ ఐపీఎల్ ప్రదర్శన మేరకు అవకాశం ఉండొచ్చు.
అహ్మదాబాద్ వేదికగా కివీస్‌తో జరగనున్న మూడో టీ 20లో కచ్చితంగా స్పిన్నర్ చాహల్‌ను తీసుకోవాలని వసీం జాఫర్ సూచించాడు. “ స్పిన్ ఆడటంలో న్యూజిలాండ్‌ ఇబ్బంది పడుతుంది. అందుకే చాహల్‌ను మూడో మ్యాచ్‌లోనూ కొనసాగించాలి. మణికట్టు మాంత్రికుడు ఉన్నప్పుడు ఉపయోగించుకోవాలి. ఉమ్రాన్ టీ20ల్లో ఇబ్బంది పడుతున్నాడు. బంతులను విభిన్నంగా సంధించడంపై కసరత్తు చేయాలి. బౌలింగ్ వేరియేషన్ కచ్చింగా ఉండాలి ” అన్నాడు.
ఫస్ట్ టీ20 మ్యాచ్‌లో న్యూజిలాండ్‌పై ఓడిన భారత జట్టులో మార్పులు చేయాలని మాజీ అటగాడు వసీం జాఫర్ సూచించాడు. ఉమ్రాన్ పర్ఫామెన్స్ చాలా పేలవంగా ఉందన్నాడు. అతని బౌలింగ్‌లో వేరియేషన్స్ లేవన్నాడు. బౌలింగ్‌లో వైవిధ్యం చూపించాలన్నాడు. రెండో టీ20లో ఉమ్రాన్ ప్లేస్‌లో జితేశ్ శర్మను ఫైనల్ జట్టులో తీసుకోవాలని సూచించాడు. లేదంటే పృథ్వీషాను తీసుకోవాలని చెప్పాడు.
పాకిస్తాన్‌ క్రికెట్‌ కోచ్ ఆకిబ్ జావెడ్ ఉమ్రాన్ మాలిక్‌పై ఆసక్తికర వ్యాఖ్యలు చేశాడు. పాక్‌ బౌలర్ హరీస్‌ రౌఫ్‌తో పోలిస్తే ఉమ్రాన్ చాలా వెనకబడి ఉన్నాడని అభిప్రాయపడ్డాడు. ఉమ్రాన్, హరీస్‌ రౌఫ్‌ తీసుకున్నంత ట్రైనింగ్‌ తీసుకోలేదని, అతడికి రౌఫ్‌కు ఉన్న ఫిట్నెస్ కూడా లేదని అన్నాడు. “వన్డేల్లో ఉమ్రాన్ తొలి ఓవర్లలో 150kph స్పీడ్‌తో బంతులు విసురుతాడు, ఏడో ఓవర్‌ వచ్చేసరికి 138kphకు అతడి స్పీడ్‌ పడిపోతుంది” అతడి ఫిట్నెస్ ఇంకా మెరుగవ్వాలని అని ఆకిబ్ జావెద్ అభిప్రాయపడ్డాడు.
న్యూజిలాండ్‌తో జరగనున్న మూడో వన్డేకి టీమిండియా సిద్ధమైంది. మరోవైపు, ఈ అవమానం నుంచి తప్పించుకోవడానికి కివీస్ గట్టిగానే ప్రయత్నించనుంది. ఇండోర్ వేదికగా మ్యాచ్ జరగనుంది. బౌండరీలు చిన్నగా ఉంటాయి కాబట్టి పరుగుల వరద పారనుంది. అయితే, ఇరు జట్లలో కొన్ని మార్పులు జరగనున్నాయి. చాహల్, ఉమ్రాన్ మాలిక్‌లను జట్టులోకి తీసుకోవచ్చు. వీరి కోసం ఒక పేసర్, స్పిన్నర్ లేదా ఇద్దరు స్పిన్నర్లను పక్కన పెట్టే అవకాశం ఉంది. కివీస్ జట్టులోనూ మార్పులు జరిగే ఛాన్స్ ఉంది. ఇప్పటికే టీమిండియా 2-0 తేడాతో సిరీస్‌ని సొంతం … Read more
భారత స్పీడ్‌స్టర్ ఉమ్రాన్ మాలిక్ లైన్ అండ్ లెంగ్త్ సాధిస్తే ప్రపంచాన్ని ఏలుతాడని సీనియర్ బౌలర్ మహ్మద్ షమీ అన్నాడు. ‘‘ఉమ్రాన్ పేస్‌ను ఎదుర్కోవడం బ్యాటర్లకు అంత ఈజీ కాదు. తనకెంతో ఎనర్జీ ఉంది. లైన్ అండ్ లెంగ్త్ మార్చుకుని మంచి ప్రదర్శన చేస్తాడని అనుకుంటున్నా. అతడి భవిష్యత్ మరింత మెరుగ్గా ఉంటుంది.’’ అంటూ షమీ పేర్కొన్నాడు. కాగా ఉమ్రాన్ 150 కి.మీ వేగంతో బౌలింగ్ చేస్తున్నా నియంత్రణ, ఖచ్చితత్వం లేక సతమతమవుతున్నాడు. దీనిపై షమీ ఈ వ్యాఖ్యలు చేశాడు.
భారత్, న్యూజిలాండ్‌ మధ్య జరగబోయే రెండో వన్డేలో మార్పులు చోటు చేసుకునే అవకాశం ఉంది. మెుదటి మ్యాచ్‌లో 350 పరుగులను కాపాడుకునేందుకు చాలా కష్టపడ్డారు. తొలుత బౌలర్లు రాణించినా… తర్వాత రన్స్ ధారాలంగా ఇచ్చారు. దీంతో బౌలింగ్ విభాగంలో మార్పు జరగవచ్చు. స్పీడ్‌ గన్ ఉమ్రాన్ మాలిక్‌ను శార్దూల్‌ స్థానంలో జట్టులోకి తీసుకునే అవకాశం ఉంది. ఇషాన్ కిషన్, సూర్య కుమార్‌ ఆకట్టుకోలేదు. వీరిద్ధరికి మరో ఛాన్స్ ఇచ్చే ఆలోచనలో ఉన్నారు. కుల్దీప్‌ జట్టుతోనే ఉండే అవకాశం ఉంది.
శ్రీలంకతో మెుదటి వన్డేలో అద్భుతంగా బౌలింగ్ చేసిన ఉమ్రాన్ మాలిక్.. మ్యాచ్‌లో జట్టు సభ్యుల నుంచి పూర్తి సహకారం అందించినట్లు చెప్పాడు. “ నేను ఆరు మ్యాచ్‌లు మాత్రమే ఆడాను. సరిగా బౌలింగ్ చేయడం, సరైన ప్లేస్‌లో బంతులు వేయడంపై దృష్టి పెట్టాను. వికెట్‌ ఫ్లాట్‌గా ఉంది. షమీ భాయ్‌, సిరాజ్‌ భాయ్‌తో మాట్లాడాను పేస్‌ను ఉపయోగించాలని సూచించారు. అంతే కచ్చితత్వంతో బంతులు వేయాలని అనుకున్నాను” అన్నాడు. ఈ మ్యాచ్‌లో ఉమ్రాన్ 3 వికెట్లు పడగొట్టాడు
భారత యంగ్ గన్ ఉమ్రాన్ మాలిక్ అరుదైన ఘనత సాధించాడు. తన పదునైన బౌలింగ్‌తో యార్కర్ల కింగ్ జస్ప్రీత్ బుమ్రా రికార్డును బద్దలు కొట్టాడు. శ్రీలంక జరిగిన తొలి టీ20లో 155.3 కి.మీ వేగంతో బంతి విసిరి కెప్టెన్ షనకను పెవిలియన్ పంపాడు. దీంతో భారత్ తరఫున అత్యంత వేగంగా బంతి విసిరిన బౌలర్‌గా ఉమ్రాన్ నిలిచాడు. ఇంతకుముందు ఈ రికార్డు జస్ప్రీత్ బుమ్రా(153.3) పేరిట ఉండేది. కాగా ఈ మ్యాచ్‌లో ఉమ్రాన్ 27 పరుగులిచ్చి 2 వికెట్లు పడగొట్టాడు.
టీమిండియా అదరగొట్టింది. ఉత్కంఠగా సాగిన పోరులో 2 పరుగుల తేడాతో తొలి టీ20ని కైవసం చేసుకుంది. 162 పరుగుల లక్ష్యాన్ని చక్కగా కాపాడుకుంది. మిడిల్ ఓవర్లలో బౌలర్లు తడబడినా చివర్లో పుంజుకోవడంతో గెలుపు టీమిండియా వశమైంది. అరంగేట్ర బౌలర్ శివమ్ మావి 4 వికెట్లతో ఆకట్టుకున్నాడు. ఉమ్రాన్ మాలిక్, హర్షల్ పటేల్ చెరో రెండు వికెట్లతో టీమిండియా విజయానికి దోహదపడ్డారు. అంతకుముందు బ్యాటింగులో దీపక్ హుడా, అక్షర్ పటేల్ చెలరేగడంతో టీమిండియా 162 పరుగులు చేయగలిగింది.
@2021 KTree