ప్యాంటులో మూత్రం పోసుకున్న అధ్యక్షుడు

వృద్ధాప్యం కారణంగా దక్షిణ సూడాన్ అధ్యక్షుడు సాల్వా కిర్ మయర్దత్(71) అభాసుపాలయ్యారు. ఓ అధికారిక కార్యక్రమంలో పాల్గొన్న సాల్వా.. అసంకల్పితంగా మూత్ర విసర్జన చేశారు. ఈ తతంగం అంతా కెమెరాలో రికార్డు కావడంతో నెట్టింట వైరల్ అవుతోంది. గత కొంత కాలంగా అధ్యక్షుడు మూత్ర సంబంధిత వ్యాధితో బాధపడుతున్నట్లు సమాచారం. ఈ కారణంగానే ఆయనకు ఇలా జరిగి ఉంటుందని తెలుస్తోంది. మూత్రం పోసుకున్నట్లు తొలుత అధ్యక్షుడికి తెలియలేదని.. చర్మ స్పర్శ ద్వారా ఆయన తెలుసుకున్నారని పలువురు వ్యాఖ్యానిస్తున్నారు. అధికారిక కార్యక్రమంలో ఇలా జరగడంతో ప్రపంచవ్యాప్తంగా చర్చకు దారితీసింది.