World – Page 3

రష్యా ఎయిర్‌పోర్ట్‌లో గందరగోళం

by Srihari V October 31, 2023

రష్యాలోని ఓ విమానాశ్రయంలో అనూహ్య ఘటన చోటు చేసుకుంది. ఇజ్రాయెల్‌ నుంచి బయలుదేరిన విమానం దగెస్థాన్‌ విమానాశ్రయంలో ఆగడంతో అక్కడి నిరసనకారులు ప్రయాణికులను తీవ్ర ఇబ్బందులకు గురి చేశారు. ఇజ్రాయెల్‌కు వ్యతిరేకంగా నినాదాలు చేశారు. విమానాన్ని తమ ప్రాంతంలో ల్యాండ్‌ చేయడాన్నివారు తీవ్రంగా తప్పుబట్టారు. అంతేగాక విమానం దిగిన వారిపైకి దూసుకెళ్లారు. ఈ ఘటనలో 20 మంది తీవ్రంగా గాయపడ్డారు. ఈ నిరసనలకు సంబంధించిన వీడియో నెట్టింట వైరల్ అవుతోంది. When word spread that a plane from Tel Aviv was … Read more

పడవ బోల్తా.. 70 మంది గల్లంతు

by Naresh N October 30, 2023

ఆఫ్రికాలోని ఘోర విషాదం చోటుచేసుకుంది. నదిలో ఓ పడవ బోల్తా పడి 17 మంది మృతి చెందారు.. మరో 70 మందికి పైగా గల్లంతయ్యారు. దేశంలోనే అతిపెద్దదైన బెన్యూ నదిలో ఈ విషాదం జరిగింది. స్థానికులు చేపల మార్కెట్ నుంచి తిరిగి వస్తున్న వ్యాపారులతో కూడిన పడవ నదిలో బోల్తా కొట్టడంతో ప్రమాదం చోటుచేసుకున్నట్లు ఆ దేశ అధికారులు వెల్లడించారు. ప్రమాద సమయంలో పడవలో 100 మందికి పైగా ప్రయాణికులు ఉన్నట్లు సమాచారం.

‘ప్రజలు చనిపోతున్నారు.. చర్చలు జరపండి’

by Naresh N October 30, 2023

రష్యా, ఉక్రెయిన్ యుద్ధంపై బెలారస్ అధ్యక్షుడు అలెగ్జాండర్ కీలక వ్యాఖ్యలు చేశారు. ఈ యుద్దంలో ఏ దేశానికి విజయం దక్కదన్నారు. యుద్ధం కాణంగా ఇరు దేశాలు తీవ్రంగా నష్టపోతున్నాయి. ఎంతో మంది అమాయక ప్రజలు ప్రాణాలు కోల్పోతున్నారు. ఈ యుద్ధం ఫలితంపై ప్రతిష్టంభన నెలకొంది. ఎవరూ పూర్తి స్థాయిలో పుంజుకోలేక పోతున్నారు. కాబట్టి ఇరు దేశాలు చర్చలు జరుపుకొని ఓ నిర్ణయానికి రండి’. అని అలెగ్జాండర్ పిలుపునిచ్చారు.

ఢీకొన్న కార్లు, బస్సులు.. 32 మంది మృతి

by Naresh N October 28, 2023

ఈజిప్టులో ఘోర ప్రమాదం జరిగింది. అలెగ్జాండ్రియాలోని హైవేపై కార్లు, బస్సులు ఒకదాన్నొకటి ఢీకొన్నాయి. ఈ ఘటనలో 32 మంది మృతిచెందారు మరో 63 మంది తీవ్రంగా గాయపడారు. క్షతగాత్రులను ఆసుపత్రికి తరలించి చికిత్స అందిస్తున్నారు. మూడు ప్యాసింజర్‌ బస్సులు, 10 కార్లు ఒకదాన్నొకటి ఢీకొన్నాయి. దీంతో ఓ కారు నుంచి ఆయిల్‌ లీక్ అయి మంటలు చెలరేగాయి. ఆ మంటలు పక్కనున్న మిగతా వాహనాలకు అంటుకున్నాయి. దీంతో కొందరు వాహనాల్లోనే సజీవదహనమైయ్యారు.

బతుకమ్మకు అరుదైన గౌరవం

by Srihari V October 28, 2023

తెలంగాణ సంస్కృతి, సాంప్రదాయాలకు ప్రతీకగా నిలిచే ‘బతుకమ్మ’ పండగకు అరుదైన గౌరవం దక్కింది. అమెరికాలోని జార్జియాలో బతుకమ్మ పండగను గుర్తిస్తూ ఆ రాష్ట్ర గవర్నర్‌ బ్రెయిన్‌ పి.కెంప్‌ ఆదేశాలు జారీ చేశారు. అక్టోబర్‌ 3వ వారాన్ని బతుకమ్మ వారంగా ప్రకటించారు. ఈ ప్రకటనపై పలువురు తెలంగాణ అసోసియేషన్‌ సభ్యులు హర్షం వ్యక్తం చేస్తున్నారు. పూలనే దేవతగా కొలిచే అపురూపమైన పండుగగా బతుకమ్మ గుర్తింపు పొందింది. 12వ శతాబ్దం నుంచి ఈ పండుగ జరుపుకుంటున్నట్లు ఆధారాలు ఉన్నాయి.

ఆ దేశానికి వెళ్లాలంటే.. 1000 డాలర్ల ఫీజు కట్టాల్సిందే!

by Naresh N October 27, 2023

భారత్‌, ఆఫ్రికా దేశాలకు ఎల్‌ సాల్వడార్‌ షాకిచ్చింది. ఇకపై తమ దేశంలోకి రావాలంటే 1000 డాలర్ల ఫీజు కట్టాలని పేర్కొంది. ఈ మేరకు ఎల్‌ సాల్వడార్‌ అధికారికంగా వెల్లడించింది. తమ దేశం మీదుగా అమెరికాకు వలసలను తగ్గించే ప్రయత్నంలో ఈ నిర్ణయం తీసుకున్నట్లు తెలుస్తోంది. తాజా ఆదేశాల మేరకు భారత్, 57 ఆఫ్రికా దేశాల ప్రయాణికులు ఇకపై ఎల్‌ సాల్వడార్‌ వెళ్లాలంటే.. వ్యాట్, ఇతర ఛార్జీలతో కలిపి 1130 డాలర్లు చెల్లించాల్సి ఉంటుంది.

ఘోరం.. కాల్పుల్లో 22 మంది మృతి

by Srihari V October 26, 2023

అమెరికాలో మరోసారి కాల్పుల కలకలం రేగింది. లెవిస్టన్‌, మైనే ప్రాంతాల్లో దుండగులు జరిపిన కాల్పుల్లో 22 మంది మృతి చెందినట్లు సమాచారం. ఈ ఘటనలో దాదాపు 60 మందికి గాయాలైనట్లు తెలుస్తోంది. ఘటనాస్థలానికి చేరుకున్న పోలీసులు సహాయక చర్యలు చేపట్టారు. క్షతగాత్రులను ఆస్పత్రులకు తరలించారు. గాయపడినవారిలో కొందరి పరిస్థితి విషమంగా ఉన్నట్లు సమాచారం. దుండగుల కోసం గాలిస్తున్నట్లు పోలీసులు తెలిపారు.

హమాస్‌పై దాడికి ఇజ్రాయెల్ సరికొత్త ఆయుద్ధం

by Naresh N October 25, 2023

హమాస్ మిలిటెంట్లపై ప్రయోగించేందుకు ఇజ్రాయెల్ తన అమ్ములపొది నుంచి అత్యాధునిక ఆయుధాలను బయటకు తీస్తోంది. తాజాగా ఐరన్ స్టింగ్ అనే ఆయుధ వ్యవస్థను రంగంలోకి దించింది. గాజాలో జనవాసాల మధ్య నుంచి రాకెట్లను ప్రయోగించే లాంఛర్లను ధ్వంసం చేసేందుకు ఐరన్ స్టింగ్ అనే ఆయుధాన్ని వాడటం మొదలు పెట్టింది. ఈ విషయాన్ని ఇజ్రాయెల్ డిఫెన్స్ ఫోర్సెస్ ప్రకటించింది. తొలిసారి యుద్ధంలోకి ఈ ఆయుధాన్ని తీసుకువస్తున్నట్లు పేర్కొంది.

మరో ఇద్దరు బందీలను వదిలిపెట్టిన హమాస్

by Raju B October 24, 2023

మరో ఇద్దరు బందీలను హమాస్ మిలిటెంట్లు తమ చెర నుంచి వదిలి పెట్టారు. మానవత దృష్టితో ఇద్దరు వృద్ధులను విడిచి పెట్టినట్లు పేర్కొన్నారు. వీరిద్దరు ఇజ్రాయేల్ దేశస్థులు. వారం క్రితం ఇద్దరు అమెరికాకు చెందిన తల్లి కూతుళ్లను హమాస్ ఉగ్రవాదులు విడిచి పెట్టారు. ప్రస్తుతం తమ వద్ద 222 మంది బందీలుగా ఉన్నట్లు వెల్లడించింది. మరోవైపు హమాస్‌పై దాడుల ఉద్ధృతిని పెంచనున్నట్లు ఇజ్రాయేల్ ప్రకటించింది. తాము హమాస్‌ పూర్తిగా ధ్వంసం చేయాలని భావిస్తున్నట్లు పేర్కొంది.

హమాస్‌ చెరలో 210 మంది బందీలు

by Naresh N October 21, 2023

గాజాలోని హమాస్‌ చెరలో తమ దేశ పౌరులు చాలా మంది బందీలుగా ఉన్నారని ఇజ్రాయెల్‌ తెలిపింది. మిలిటెంట్ల వద్ద 210 మంది బందీలుగా ఉండవచ్చన అభిప్రాయపడింది. అయితే ఇదే తుది సంఖ్య కాదని బందీల సంఖ్య మరింత పెరగొచ్చని పేర్కొంది. హమాస్ చెరలో చిన్నారులు, వృద్ధులు కూడా ఉన్నారని చెప్పింది. అయితే హమాస్‌ నిన్న ఇద్దరు అమెరికన్‌-ఇజ్రాయెల్‌ మహిళలను విడుదల చేసిన విషయం తెలిసిందే.